తెలుగు బిగ్బాస్-4 కి నాగార్జున హోస్ట్ గా వ్యవహరిస్తున్నారు. 16 మంది కంటెస్టెంట్ లో హౌస్ లోకి ఎంట్రీ ఇచ్చారు. 14 మంది కంటెస్టెంట్స్‌ మాత్రమే హౌస్‌లో ఎంట్రీ ఇచ్చారు. కాగా మరో ఇద్దర్ని… అరియానా గ్లోరీ, స‌య్య‌ద్ సోహైల్‌ను మాత్రం ప్ర‌త్యేక గ‌దిలోకి పంపించారు. దీంతో నిన్న‌టి ఎపిసోడ్‌లో సోహైల్ ఫోన్‌లో తానే బిగ్బాస్ అని మాట్లాడుతూ ఇద్ద‌రికీ అవ‌స‌ర‌మ‌య్యే వ‌స్తువుల‌ను, ఫుడ్ లిస్టు చెప్పి త్వ‌ర‌గా పంపించాల‌ని కంటెస్టెంట్ల‌ను ఆదేశించాడు. అత‌ను చెప్పిన‌వ‌న్నీ ఇచ్చేందుకు సుజాత రెడీ అయింది. కానీ నోయ‌ల్‌కు మాత్రం ఎక్క‌డో తేడా కొట్టింది. మాట్లాడింది బిగ్బాస్ కాదని చెప్పాడు. ఇంత‌లోనే క‌ల్యాణి, సుజాత‌కు చిన్న గొడవ జ‌ర‌గ‌డంతో బిగ్బాస్ ఇంటిలో పెద్ద గొడవ జరిగింది. ఇంత గొడవ జ‌రిగిన‌ప్ప‌టికీ సోహైల్ అడిగిన‌వ‌న్నీ ఏమాత్రం లోటు లేకుండా పంపించారు. ఇదేదో బాగుంది.. ఏ ప‌నీ చేయ‌కుండానే కూర్చున్న చోటే న‌చ్చిన ఫుడ్ ఆర్డ‌ర్ చేసి తినొచ్చు అని అరియానా, సోహైల్ తెగ సంబ‌ర‌ప‌డిపోయారు.
కానీ నేటి ఎపిసోడ్‌లో నోయల్ వారికి కౌంటర్‌ ఇచ్చినట్లు తాజాగా స్టార్ మా విడుద‌ల చేసిన ప్రోమోలో తెలుస్తోంది. అరియానా ఫోన్ చేసి పొరుగింటి నుంచి మాట్లాడుతున్నాం అని చెప్పింది. ఫోన్ ఎత్తిన అఖిల్‌.. ఇంత స్వీట్‌గా మాట్లాడితే ఇంకొంచెం కూర ఎక్కువే పంపుతామ‌ని పులిహోర క‌ల‌ప‌డం మొద‌లుపెట్టాడు. ఇది సీరియ‌స్ అని ఆమె చెప్ప‌గానే నోయల్ ఫోన్ తీసుకుని ‘ఏంది? నీ ప్రాబ్లమ్’ అని ద‌మ్కీ ఇచ్చాడు. మ‌ర్యాద‌గా అడుగుతేనే మ‌ర్యాద‌గా పంపుతామ‌ని తేల్చి చెప్పాడు. దీంతో బిత్త‌ర‌పోయిన అరియానా కాస్త విన‌యాన్ని ప్ర‌ద‌ర్శిస్తూ మాట్లాడేది ఎవ‌రా అని ఆరా తీస్తూ.. పేరు అడిగింది. ‘నా పేరు గూగుల్ చేస్కో’ అని నోయల్ ఫోన్ క‌ట్ చేయ‌డంతో ఆమెకు దిమ్మ తిరిగిపోయింది. మ‌రి ఈ స్పెష‌ల్ గ‌దిలో ఉన్న కంటెస్టెంట్లు ఇద్ద‌రూ ఆక‌లితో అల‌మ‌టిస్తారా? లేదా మ‌ళ్లీ ఫోన్ చేసి బ‌తిమిలాడుకుంటారా? అనేది నేటి ఎపిసోడ్‌లో చూడాల్సిందే.
Separate housemates Iddariki manchi jhalak ichina #Noel 👌 👌 #BiggBossTelugu4 Today at 9:30 PM on @StarMaa pic.twitter.com/QyqPPvzfwz
— starmaa (@StarMaa) September 8, 2020
