బిగ్‌బాస్‌ ఫేం అరియానా గ్లోరీ గురించి ప్రత్యేకంగా చెప్పనవసరం లేదు. తనదైన స్టైల్‌లో మంచి గుర్తింపు తెచ్చుకుంది. బిగ్‌బాస్‌ తర్వాత కూడా అదే క్రేజ్‌ను కంటిన్యూ చేస్తుంది ఈ భామ. ఇప్పటికే రాజ్‌ తరుణ్‌తో ఓ సినిమాలో నటిస్తుండగా, మెగా హీరో కల్యాణ్ దేవ్ సినిమాలోనూ ఆఫర్‌ దక్కించుకుంది. పలు టీవీ షోలు, ఇంటర్వ్యూలతో బిజీగా ఉన్న అరియానా.. తాజాగా హీరో నాగార్జునను కలిసింది. ఆయన నటించిన ‘వైల్డ్‌ డాగ్‌’ సినిమా విడుదలకు సిద్ధమవుతోంది. ఈ నేపథ్యంలో ఈ చిత్రం ప్రమోషన్లలో ఉన్న నాగార్జునను అరియానా ఇంట‌ర్వ్యూ చేసింది. ఈ విషయాన్ని ఇన్‌స్టా వేదికగా వెల్లడించింది. నా ఫేవరెట్‌ నాగ్‌ సర్‌ని మరోసారి కలిశా.. బెస్ట్‌ డే అంటూ నాగార్జునతో కలిసి దిగిన ఫొటోలను సోషల్‌ మీడియాలో షేర్‌ చేసింది.
View this post on Instagram
