తెలుగు బిగ్‌బాస్‌-4 ఈ రోజు సోమవారం కావడంతో నామినేషన్ పక్రియ ప్రారంభమైంది. దీంతో శని, ఆదివారల్లో పండగ వాతావర్ణం కాస్తా గందరగోళంగా మారిపోయింది. మళ్లీ ఇంట్లో గొడవలు స్టార్ట్‌ అయ్యాయి. ఆదివారం స‌మంత హోస్ట్‌గా రావడంతో ఎలిమినేష‌న్ ఉండ‌దేమో అని కంటెస్టెంట్లు తెగ సంబ‌ర‌ప‌డిపోయారు. కానీ అనుకోని రీతిలో దివి ఎలిమినేట్ అయింది. తాజా ప్రోమో లో ఈ వారం నామినేషన్స్‌లో ఇంటి సభ్యుల మధ్య వార్‌ జరుగుతోంది. అమ్మ రాజశేఖర్, అఖిల్ మధ్య మాట యుద్ధం జరిగింది.
ఇక ఈ ప్రోమో చూసిన నెటిజ‌న్లు మోనాల్‌పై సానుభూతి వ్య‌క్తం చేస్తున్నారు. నామినేషన్ ప్ర‌క్రియ వ‌చ్చిన ప్ర‌తిసారి టాస్కుల్లో ప‌ర్ఫామెన్స్‌కు బ‌దులు ఆమె క్యారెక్ట‌ర్‌ను నిందిస్తూ మాన‌సికంగా టార్చ‌ర్ చేస్తున్నారని ఆమె అభిమానులు ఆవేద‌న వ్య‌క్తం చేస్తున్నారు. ఇక ఈ వారం మాస్టర్ నామినేష‌న్‌లోకి వ‌స్తే ఎలిమినేట్ కావడం పక్క అంటున్నారు.
