బిగ్‌బాస్‌లో నామినేషన్‌, ఎలిమినేషన్‌ ఓ లెక్కైతే.. వీకెండ్‌లో హౌస్‌మేట్స్‌తో ఫన్నీ టాస్క్‌లు చేయించి బిగ్‌బాస్‌ ప్రేక్షకులను ఎంటర్‌టైన్‌ చేయడం మరోలెక్క. వారాంతంలో నాగార్జున వచ్చి.. హౌస్‌మేట్స్‌ను సరైన దారిలో పెట్టడం.. దానికి తగ్గట్టు కొన్ని హెచ్చరికలు, సూచనలు ఇవ్వడం చేస్తుంటాడు. ఐదో వారాంతానికి చేరుకున్న బిగ్‌బాస్‌లో ఇప్పటికే నలుగురు కంటెస్టెంట్లు ఎలిమినేట్‌ అయ్యారు. ఐదో కంటెస్టెంట్‌ బయటకు వెళ్లడానికి రంగం సిద్దమైంది. ఎలిమినేట్‌ అయ్యేది ఎవరో అందరికీ తెలిసిపోయినా.. అధికారికంగా ప్రకటించాల్సి ఉంది.
కంటెస్టెంట్‌ ఎలిమినేషన్‌ విషయంలో ఉండాల్సిన ఉత్కంఠ ఉండకపోయే సరికి.. ఎసిసోడ్‌ను మరింత ఎంటర్‌టైన్‌గా మలిచేందుకు ప్రయత్నిస్తున్నట్లు కనిపిస్తోంది. ఈ ఆదివారం నిజంగాన్‌ ఫన్‌డేగా మారనున్నట్లు తెలుస్తోంది. ఈ మేరకు విడుదల చేసిన ప్రోమోలు సోషల్‌ మీడియాలో నెటిజన్లను ఆకర్షిస్తున్నాయి. ఒకరి క్యారెక్టర్‌ను మరొకరు ప్లే చేసి చూపించడంతో మంచి ఎంటర్‌టైన్‌ వచ్చేలా కనిపిస్తోంది. వరుణ్‌ సందేశ్‌ పునర్నవిలా.. పునర్నవి వరుణ్‌సందేశ్‌లా, వితికాల అలీరెజా, రాహుల్‌లా శ్రీముఖి నటించడం ఫన్‌ను క్రియేట్‌ చేసేలా ఉంది. ఇక బాబా భాస్కర్‌కు తెలుగు సరిగా రాకపోవడంతో హౌస్‌మేట్స్‌ పేర్లను కరెక్ట్‌గా పలకలేకపోతున్నాడు. ఈ క్రమంలో నాగార్జున పేరును నాగరాజు అని మార్చేశాడని శివజ్యోతి నాగ్‌కు ఫిర్యాదు చేస్తోంది. ఇంటి సభ్యులను మాస్క్‌లతో ఆట ఆడించిన నాగ్‌.. ఈ సన్‌డేను ఫన్‌డేగా మార్చబోతోన్నట్లు కనిపిస్తోంది.
