తెలుగు బిగ్బాస్-5 ఫేం మోడల్‌ జశ్వంత్‌ పడాల వర్టిగో వ్యాధి కారణంగా పదవ వారంలో హౌస్‌ నుంచి ఎలిమినేట్‌ అయ్యాడు. తన ఆరోగ్యం బాగుండుంటే మరిన్ని వారాలు హౌస్‌లోనే కొనసాగేవాడు. హౌస్‌ నుంచి బయటకు వచ్చిన అతడికి సినిమా ఆఫర్‌ కూడా వచ్చింది. ఈ విషయాన్ని బిగ్బాస్ గ్రాండ్‌ ఫినాలే స్టేజీ మీదే చెప్పాడు జెస్సీ. తాజాగా తన సినిమా టైటిల్‌ పోస్టర్‌ను రిలీజ్‌ చేశాడు.
ఎర్రర్‌ 500 అనే టైటిల్‌తో తెరకెక్కుతున్న ఈ చిత్రంలో జెస్సీ ప్రధాన పాత్రలో కనిపించనున్నాడు. పోస్టర్‌లో నెత్తుటి గాయాలతో చేతిలో గన్‌ పట్టుకుని యాక్షన్‌ హీరోగా కనిపిస్తున్నాడు. సందీప్‌ మైత్రి డైరెక్షన్‌ వహిస్తున్న ఈ చిత్రం మైత్రి మోషన్‌ పిక్చర్స్‌ బ్యానర్‌పై నిర్మితమవుతోంది.
