‘దొరసాని’ ఫేం కేవీఆర్ మహేంద్ర డైరెక్షన్‌లో వస్తున్న తాజా చిత్రం ‘భరతనాట్యం’. ఈ సినిమా ‘ఈజ్‌ ది మోస్ట్‌ బ్యూటీఫుల్‌ ఫ్రాడ్‌ ఇన్‌ ది వరల్డ్‌స అనేది ఉపశీర్షిక.
పోకిరి, అర్జున్ రెడ్డి, కేజీఎఫ్, వంటి బ్లాక్ బ‌స్ల‌ర్ చిత్రాల‌కు టైటిల్ పోస్ట‌ర్ డిజైన్ చేసిన సీనియ‌ర్ గ్రాఫిక్ డిజైనర్ ధని ఏలే త‌న‌యుడు సూర్య తేజ ఏలే ఈ సినిమాతో హీరోగా టాలీవుడ్‌లో ఎంట్రీ ఇవ్వ‌బోతున్నాడు. మీనాక్షి గోస్వామి హీరోయిన్‌గా న‌టిస్తుంది.
ఇప్ప‌టికే ఈ సినిమా నుంచి ఫ‌స్ట్ లుక్ విడుద‌ల చేయ‌గా.. ప్రేక్ష‌కుల‌ను విపరీతంగా ఆక‌ట్టుకుంది. ఇదిలా ఉంటే ఈ సినిమా నుంచి మేక‌ర్స్ టీజర్ విడుదలైంది. సినిమాలంటే పిచ్చి ఉండి దర్శకుడు కావాలనుకొనే ఓ యువకుడి కథ ఈ సినిమా అని టీజర్ చూస్తే తెలుస్తుంది.
ఈ సినిమాలో వైవా హర్ష, హర్షవర్ధన్, అజయ్ ఘోష్, సలీం ఫేకు, గంగవ్వ, కృష్ణుడు, టెంపర్ వంశీ తదితరులు కీలక పాత్రలు పోషిస్తున్నారు. వివేక్ సాగర్ సంగీతం అందిస్తున్నాడు.
