Bhale Unnade OTT release date:
హీరో రాజ్ తరుణ్ నటించిన భలే ఉన్నాడే చిత్రం ఈమధ్యనే థియేటర్లలో విడుదల అయ్యింది. ఈ చిత్రానికి దర్శకత్వం వహించిన జే. శివసాయీ వర్ధన్ కు ఇది తొలిచిత్రం. మనీషా కందుకూర్ హీరోయిన్ గా నటించిన, ఈ సినిమా అతి త్వరలో ఓటీటీలో విడుదలకు సిద్ధమైంది.
ఈ చిత్రం అక్టోబర్ 3, 2024న ఈటీవీ విన్ (ETV Win) ఓటీటీ ప్లాట్‌ఫారమ్‌లో స్ట్రీమ్ కానుంది. థియేటర్లలో ఈ చిత్రానికి పెద్దగా స్పందన లభించకపోయినప్పటికీ, ఇంట్లో సౌకర్యంగా చూడటానికి ప్రేక్షకులు ఎంతవరకు ఆసక్తి చూపిస్తారో చూడాలి. ముఖ్యంగా ఓటీటీలో సినిమాలు మంచి విజయాలు సాధిస్తున్న ఈ సమయంలో ఈ సినిమాకు కూడా మంచి స్పందన వచ్చే అవకాశం ఉంది.
ఇక ఈ సినిమాలో సింగీతం శ్రీనివాస్, అభిరామి, సుదర్శన్, అమ్ము అభిరామి, హైపర్ ఆది, వీటీవీ గణేష్, లీలా శాంసన్ వంటి పేరున్న నటీనటులు కీలక పాత్రలలో కనిపించారు. ఈ సినిమాలో సంగీత దర్శకుడిగా శేఖర్ చంద్ర పనిచేశారు. ఇందులోని పాటలు కూడా వినసొంపుగా ఉంటాయి.
ఈ సినిమాని రవి కిరణ్ ఆర్ట్స్, మారుతీ టీమ్ నిర్మించారు. థియేటర్లలో ఏమాత్రం రాణించని ఈ చిత్రం ఓటీటీలో మంచి విజయాన్ని సాధిస్తుందో లేదో అని అక్టోబర్ 3న తెలుస్తుంది. బయట ఎన్ని వివాదాల్లో ఉన్న కూడా రాజ్ తరుణ్ మాత్రం వరుస సినిమాలతో అందరి దృష్టిని బాగానే ఆకర్షిస్తున్నాడు.
Read More: Devara ఓటిటి రిలీజ్ విషయంలో ట్విస్ట్ అదే
