నందమూరి బాలకృష్ణ హీరోగా.. అనిల్ రావిపూడి డైరెక్షన్‌లో వస్తున్న చిత్రం ‘భగవంత్ కేసరి’. ఈ సినిమా ని సాహు గారపాటి – హరీశ్ పెద్ది నిర్మిస్తున్నారు. ఇది తండ్రీ కూతుళ్ల మధ్య ఉన్న బలమైన ఎమోషన్స్ తో .. బాలయ్య మార్కు యాక్షన్ ప్రధానంగా నడిచే కథ. ఈ సినిమాలో బాలకృష్ణ కూతురిగా శ్రీలీల నటించనుంది.
హీరోయిన్‌గా కాజల్ కనిపించనుంది. బాలయ్య సరసన నటించడం ఆమెకి ఇదే మొదటిసారి. తాజాగా ఈ సినిమా రిలీజ్ డేట్ ను ప్రకటించారు. అక్టోబర్ 19వ తేదీన ఈ సినిమా ప్రేక్షకుల ముందుకు రానుంది. రిలీజ్ డేట్ తో కూడిన పోస్టర్ లో, భారీ గన్స్ తో కనిపిస్తున్న బాలయ్య యాక్షన్ లుక్ మరింత ఆసక్తిని రేకెత్తిస్తోంది.
ఈ సినిమాకి తమన్ సంగీతాన్ని అందించాడు. ఆయన బ్యాక్ గ్రౌండ్ స్కోర్ ఈ సినిమాకి హైలైట్ గా నిలుస్తుందని అంటున్నారు. ఈ సినిమాలో ప్రియాంక జవాల్కర్ కీలక పాత్రలో నటిస్తుండగా.. విలన్‌గా అర్జున్ రాంపాల్ తెలుగు తెరకి పరిచయమవుతున్నాడు.
