బెల్లంకొండ సురేష్ వారసుడు ..గణేష్ ‘స్వాతిముత్యం’ సినిమాతో హీరోగా ఎంట్రీ ఇచ్చిన సంగతి తెలిసిందే. తొలి సినిమా విడుదల కాకముందే బెల్లంకొండ బ్రదర్ తన రెండో సినిమాని ప్రకటించాడు. గణేష్ హీరోగా రెండో సినిమాకి ‘నేను స్టూడెంట్ సర్!’ అనే టైటిల్ తో ఈ సినిమా తెరకెక్కుతోంది. తాజాగా ఈ సినిమా టైటిల్ మరియు ఫస్ట్ లుక్ ను నిర్మాతలు రిలీజ్ చేశారు. ప్రముఖ దర్శకుడు తేజ శిష్యుడు రాఖీ ఉప్పలపాటి ఈ సినిమాతో డైరెక్టర్ గా ఇండస్ట్రీకి పరిచయం అవుతున్నాడు. ఎస్వీ2 ఎంటర్టైన్మెంట్ బ్యానర్ లో ప్రొడక్షన్ నంబర్-2 గా ఈ ప్రాజెక్ట్ రూపొందుతోంది. దర్శకుడు కృష్ణ చైతన్య ఈ చిత్రానికి కథను అందించాడు. ఈ సినిమాకు సంబంధించిన మరిన్ని వివరాలు త్వరలో వెల్లడించనున్నారు.
‘నేను స్టూడెంట్ సర్!’ అంటున్న.. బెల్లంకొండ గణేష్
