Mohanlal Barroz:
మలయాళ సూపర్ స్టార్ మోహన్‌లాల్ తన దర్శకత్వ ప్రయాణాన్ని ‘బరోజ్’ సినిమాతో ప్రారంభిస్తున్నారు. 3D ఫాంటసీ డ్రామాగా రూపుదిద్దుకున్న ఈ సినిమా కథ, స్క్రీన్‌ప్లేను ప్రముఖ రచయిత జిజో పున్నూస్ ‘బరోజ్: గార్డియన్ ఆఫ్ డి’గామాస్ ట్రెజర్’ నవల ఆధారంగా తెరకెక్కిస్తున్నారు. ఆషీర్వాద్ సినిమాస్ బ్యానర్‌పై ఆంటోనీ పెరుంబవూర్ ఈ సినిమాను నిర్మించారు.
అసలు ఈ సినిమా 2023లోనే విడుదల కావాల్సి ఉంది. కానీ 3D వర్క్స్, పోస్ట్ ప్రొడక్షన్ కారణంగా సినిమా అనేకసార్లు వాయిదా పడింది. చివరకు, డిసెంబర్ 25, 2024న ఈ సినిమాను ప్రేక్షకుల ముందుకు తీసుకురానున్నారు.
సినిమా ప్రమోషన్‌లో భాగంగా మోహన్‌లాల్ ఒక ఇంటర్వ్యూలో మాట్లాడుతూ కొన్ని ఆసక్తికరమైన కామెంట్స్ చేశారు. “మేము మంచి సినిమా తీసుకువచ్చామని అనుకుంటున్నాను. ఇప్పటివరకు కొందరు మా సినిమా చూశారు, వాళ్లు చెప్పింది తలనొప్పి రాలేదని. సాధారణంగా 3D సినిమాలు చూసినప్పుడు తలనొప్పి వస్తుందని చెప్పడం తెలుసు. కానీ, ‘బరోజ్’ విషయంలో అలాంటిదేం ఉండదు. సినిమా అన్ని కోణాల్లో సరిగా కుదిరింది.” అని అన్నారు.
మోహన్‌లాల్ ప్రధాన పాత్రలో నటిస్తుండగా, మాయా, సిజర్ లోరెంటే రాటన్, కల్లిరోయ్ త్సియాఫేటా, తుహిన్ మీనన్, గురు సోమసుందరం కీలక పాత్రల్లో కనిపించనున్నారు. భారీ బడ్జెట్‌తో తెరకెక్కిన ఈ సినిమా ప్రేక్షకులను 3D అనుభవంలోకి తీసుకెళ్లనుంది.
ఈ కథలో ప్రధానంగా ‘బరోజ్’ అనే పాత్ర డి’గామాస్ ట్రెజర్‌ను కాపాడే గార్డియన్‌గా ఉంటుంది. ఫాంటసీ నేపథ్యంలో ఉన్న ఈ కథ ఎంటర్‌టైన్‌మెంట్‌తో పాటు, భావోద్వేగాలను కలగలిపేలా ఉంటుందని తెలుస్తోంది. ప్రత్యేకంగా రూపొందించిన 3D ఎఫెక్ట్స్, ఆకట్టుకునే కథ, మోహన్‌లాల్ దర్శకత్వ ప్రతిభ ప్రేక్షకుల మన్ననలు పొందేలా చేస్తాయని చిత్రబృందం ఆశిస్తోంది.
