గ్లోబల్‌ స్టార్‌ ప్రభాస్‌ హీరోగా నటిస్తున్న సలార్ సినిమా కోసం ప్రభాస్‌ ఫ్యాన్స్‌ ఎంతో ఆసక్తిగా ఎదురు చూస్తున్నారు. యాక్షన్‌ థ్రిల్లర్‌ జోనర్‌ గా వస్తున్ ఈ సినిమాకి కేజీఎఫ్‌ ఫేం ప్రశాంత్‌ నీల్‌ దర్శకత్వం వహిస్తున్నాడు. సలార్ రెండు పార్టులుగా వస్తుండగా.. సలార్-1 డిసెంబర్ 22న ప్రపంచవ్యాప్తంగా గ్రాండ్‌గా విడుదల కానుంది.
ఈ క్రమంలో ఈ సినిమాకి సంబంధించిన ఆసక్తకర వార్త ఒకటి సోషల్‌ మీడియాలో వైరల్ అవుతోంది. ఈ చిత్రంలో యంగ్ పంజాబీ బ్యూటీ సిమ్రత్‌ కౌర్ ఐటమ్‌ సాంగ్‌లో మెరువబోతుందన్న టాక్. బంగార్రాజులో కామియో రోల్‌లో మెరిసిన సిమ్రత్‌ కౌర్.. డర్టీ హరిలో కూడా నటించింది.
ఈ ఏడాది Gadar 2లో మెరిసిన ఈ ముద్దుగుమ్మ ప్రభాస్‌తో స్పెషల్ సాంగ్ చేస్తుందన్న వార్త ఇప్పుడు నెట్టింట టాక్ ఆఫ్‌ ది టౌన్‌గా మారింది. అయితే అఫీషియల్‌ ప్రకటించాల్సి ఉంది. ఈవార్త మూవీ లవర్స్‌ను ఖుషీ చేస్తోంది. కొరియోగ్రఫర్‌ రాజు సుందరం పర్యవేక్షణలో ఈ సాంగ్ ఉండనుంది. వెకేషన్‌ తర్వాత ఇటలీ నుంచి హైదరాబాద్‌ తిరిగొచ్చాడు ప్రభాస్‌. అయితే ఇంకా సాంగ్ షూట్‌లో జాయిన్ కావాల్సి ఉంది.
