నట సింహం నందమూరి బాలకృష్ణ హీరోగా మాస్ చిత్రాల దర్శకుడు బోయపాటి శ్రీను కాంబినేష్‌లో నాలుగో చిత్రానికి సన్నాహాలు మొదలయ్యాయా..! ప్రస్తుతం టాలీవుడ్ ఫిల్మ్ సర్కిల్స్‌లో ఇదే టాక్ వినిపిస్తోంది. బాలయ్య – బోయపాటిలది హిట్ కాంబినేషన్ అని ప్రత్యేకంగా చెప్పనవసరం లేదు..వీరిద్దరి కాంబో లో గత ఏడాది లో విడదల అయినా అఖండ ఏపీలో టికెట్ సమస్యలున్నా కూడాభారీ విజయాన్ని అందుకుంది. విడుదలైన అన్నీ చోట్లా అఖండ వసూళ్ల పరంగా ట్రేడ్ వర్గాలనే ఆశ్చర్యపరిచింది…
ఆ సమయంలోనే ఈ చిత్ర నిర్మాత మిరియాల రవీందర్ రెడ్డి.. బాలయ్య – బోయపాటి కాంబినేషన్‌లో మరో సినిమా చేసేందుకు ఆసక్తిగా ఉన్నానని ప్రకటించాడు. అయితే, ఇప్పుడు వీరి కాంబినేషన్‌లో కొత్త ప్రాజెక్ట్‌ను మాత్రం ప్రముఖ నిర్మాణ సంస్థ 14 రూల్స్ ప్లస్ వారు నిర్మించేందుకు సన్నాహాలు చేస్తున్నారట. ఈ సినిమాను వచ్చే ఏడాది సమ్మర్ తర్వాత సెట్స్ మీదకు తీసుకువచ్చేందుకు బోయపాటి – బాలయ్యలతో చర్చలు జరుపుతున్నట్టు తెలుస్తోంది. ఇప్పుడు బాలయ్య.. గోపీచంద్ మలినేనితో ఒక సినిమా చేస్తున్నారు.
