టాలీవుడ్‌ ప్రముఖ నటుడు నందమూరి బాలకృష్ణ తన ప్రతి పుట్టిన రోజునా అభిమానులకు ఏదో ఒక సర్ ప్రయిజ్ ను ఇస్తారు. తన 60వ పుట్టిన రోజు విషయంలో మాత్రం, ఒకరోజు ముందే ట్రీట్ ఇచ్చేందుకు రెడీ అవుతున్నాడు. ఈ రోజు సాయంత్రం తాను స్వయంగా పాడిన ఓ పాటను ఆయన అందించనున్నారు. ఈ విషయాన్ని అధికారికంగా ప్రకటించిన ఎన్బీకే ఫిల్మ్స్, సాయంత్రం 5.03 నిమిషాలకు అభిమానులకు ఈ బహుమతి అందుతుందని తెలిపారు. యూట్యూబ్ ద్వారా ఈ పాట రిలీజ్‌ కానుంది. ఇదే సమయంలో బాలయ్య అభిమానులకు మరో గిఫ్ట్ రాత్రి 7.09 గంటలకు అందనుంది. బాలకృష్ణ, బోయపాటి కాంబినేషన్లో వస్తున్న మూడవ చిత్రానికి సంబంధించినది.
‘బీబీ3’ గర్జన ఈ రాత్రి 7.09కి వినిపించనుందని ద్వారకా క్రియేషన్స్ తన అధికారిక ట్విట్టర్ ఖాతా ద్వారా వెల్లడించింది. నందమూరి నటసింహం పుట్టిన రోజు కానుకగా, దీన్ని విడుదల చేయనున్నామని తెలిపింది. ఈ ట్వీట్ ను బోయపాటి శ్రీను, థమన్, మిర్యాల రవీందర్ రెడ్డి తదితరులకు ట్యాగ్ చేసింది. ఇక బాలయ్య అందించే ఈ డబుల్ ట్రీట్ కోసం ఆయన అభిమానులు ఎంతగానో ఎదురు చూస్తున్నారు.
First Roar of #BB3 will be out today at 7:09 PM on the occasion of our Natasimham #NandamuriBalakrishna gari Birthday.#NBK106#BalayyaBoyapati3 #BB3Roar#HappyBirthdayBalayya #HBDNandamuriBalakrishna#BoyapatiSrinu @MusicThaman #MiryalaRavinderReddy @dwarakacreation pic.twitter.com/hmYz0AaF3R
— Dwaraka Creations (@dwarakacreation) June 9, 2020
