నందమూరి బాలకృష్ణ బోయపాటి కాంబినేషన్‌లో ఓ సినిమా వస్తున్న సంగతి తెలిసిందే. కాగా ఈ సినిమాలో హీరోయిన్ ఎంపిక పూర్తికాలేదు. ఇంతకుముందు కొందరి పేర్లు వినిపించినా అవన్నీ ఒట్టిదేనని బోయపాటి క్లారిటీ ఇచ్చేశాడు. అంతేకాక ఇందులో కొత్త హీరోయిన్ ని పరిచయం చేస్తామంటూ ఆయన ప్రకటించారు.
ఈ నేపథ్యంలో ప్రస్తుతం హీరోయిన్ ఎంపిక జరుగుతున్నట్టు తెలుస్తోంది. ఒక అందమైన మోడల్ ని బాలకృష్ణకు పక్కన హీరోయిన్‌గా పరిచయం చేయాలని భావిస్తున్నారట. ఈ క్రమంలో ప్రస్తుతం ముంబై మోడళ్లను సంప్రదిస్తున్నట్టు, త్వరలోనే ఒక అమ్మాయిని ఫైనల్ చేయనున్నట్టు తాజా సమాచారం. దీనికి సంబంధించిన అధికారిక ప్రకటన త్వరలోనే వెలువడుతుంది. ఈ సినిమాకు తమన్ సంగీతం అందిస్తున్నారు. ఈ చిత్రానికి ‘మోనార్క్’ అనే టైటిల్ని పరిశీలిస్తున్నారు.
