హైదరాబాబ్ కాచిగూడ క్రాస్ రోడ్స్ వద్ద ఉన్న నందమూరి కుటుంబానికి చెందిన తారకరామ థియేటర్ ఆధునిక టెక్నాలజీతో సరికొత్తగా పునర్నిర్మితమైంది. ఏసియన్ సంస్థ ఈ థియేటర్ ను తీసుకుని మరమ్మతులు చేసింది. తారకరామ థియేటర్ ఇప్పుడు ఏసియన్ తారకరామగా మారింది. ఏసియన్ తారకరామను ఈరోజు హీరో, ఎమ్మెల్యే బాలకృష్ణ ప్రారంభించారు. ఈ నెల 16 నుంచి ఇందులో సినిమాల ప్రదర్శించబడతాయి. ఈ నెల 16 నుంచి ‘అవతార్ 2’ను ప్రదర్శించనున్నారు. సంక్రాంతికి విడుదల కానున్న బాలయ్య సినిమా ‘వీరసింహా రెడ్డి’ని కూడా ఇందులో ప్రదర్శించనున్నట్టు తెలుస్తోంది.
ఈ సందర్భంగా బాలకృష్ణ మాట్లాడుతూ.. బసవతారకం క్యాన్సర్ ఆస్పత్రిని మా తల్లి జ్ఞాపకార్థం కట్టాం. ఆ ఆస్పత్రి మాకో దేవాలయం. అలాగే ఈ థియేటర్ కూడా మాకు దేవాలయంతో సమానం. అమ్మానాన్నల పేర్లతో ఏర్పాటు చేసిన ఈ థియేటర్‌ను 1978లో ప్రారంభించాం. అక్బర్‌ సలీం అనార్కలి సినిమాతో ఈ థియేటర్ ప్రయాణం మొదలైంది. అయితే కొన్ని అనివార్యకారణాల వల్ల నిలిచిపోయిన తారకరామ థియేటర్‌ను 1995లో మళ్లీ ప్రారంభించాం. ఇప్పుడున్న టెక్నాలజీకి అనుగుణంగా సరికొత్త హంగులతో మూడోసారి అందుబాటులోకి తీసుకొచ్చామన్నారు.
ఈ మూవీ థియేటర్‌కు ఓ చరిత్ర ఉంది. తారకరామలో డాన్‌ సినిమా 525 రోజులు ఆడింది. అంతేకాదు నా సినిమాలు కూడా మంచి సక్సెస్ అందుకున్నాయి. ఈ థియేటర్ నాకు సెంటిమెంట్‌. నా కుమారుడు మోక్షజ్ఞ తారక రామ తేజ పేరును నాన్న ఈ థియేటర్‌లోనే పెట్టారు. మాకు ఏషియన్‌ సినిమాస్‌ సంస్థతో మంచి అనుబంధం ఉంది. వారితో కలిసి ఏషియన్‌ తారకరామను మరోసారి ప్రేక్షకుల ముందుకు తీసుకురావడం ఆనందంగా ఉందన్నాడు బాలకృష్ణ.
#NataSimhamNandamuriBalakrishna #NBK #NandamuriBalakrishna From Grand Asian TarakaRama Theatre Re-Opening At Kachiguda , Hyderabad 🎉💐💫. pic.twitter.com/7eqb77lDuV
— BA Raju’s Team (@baraju_SuperHit) December 14, 2022
