Balakrishna heroine luxury lifestyle:
డాకు మహరాజ్ సినిమాలో Balakrishna సరసన నటించిన బాలీవుడ్ గ్లామర్ క్వీన్ ఉర్వశి రౌతేలా మరోసారి హెడ్లైన్స్‌లోకి వచ్చేశారు! ఈసారి సినిమాలతో కాదు, తన ఖరీదైన లైఫ్‌స్టైల్‌తో. ఆమె తాజాగా రూ.12 కోట్ల విలువైన రోల్స్ రాయిస్ కుల్లినన్ కారును కొన్నారు. ఈ లగ్జరీ SUV సాధారణంగా టాప్ మేల్ సెలబ్రిటీల వద్దే ఉంటుంది. షారుక్ ఖాన్, అజయ్ దేవ్‌గణ్, ముకేశ్ అంబానీ, అల్లు అర్జున్ వంటి స్టార్స్ మాత్రమే దీన్ని కలిగి ఉన్నారు. ఇప్పుడు ఉర్వశి కూడా ఈ ప్రెస్టిజియస్ లిస్ట్‌లో చేరిపోయారు.
ఉర్వశి ఇన్‌స్టాగ్రామ్‌లో 100 మిలియన్ ఫాలోవర్లను దాటిన అతి కొద్దిమంది భారతీయ సెలబ్రిటీలలో ఒకరు. ఈ ఫాలోయింగ్ ఆమెకు ఫోర్బ్స్ రిచ్ లిస్ట్‌లో చోటు తెచ్చిపెట్టింది. బ్రాండ్ ప్రమోషన్లు, ఫ్యాషన్ షోలు, యాడ్స్ ద్వారా ఆమె కోట్లలో సంపాదిస్తున్నారు.
ఊహించలేనంత సంపద ఉన్న ఉర్వశి, ర్యాంప్ వాక్స్, ఫొటోషూట్‌లు, సినిమా పాటలు, బ్రాండ్ డీల్స్ ద్వారా భారీగా సంపాదిస్తున్నారు. ఆమె నికర ఆస్తి రూ.236 నుంచి రూ.250 కోట్ల వరకు ఉంటుందని రిపోర్ట్స్ చెబుతున్నాయి.
‘దాకూ మహారాజ్’లో మూడు నిమిషాల పాట కోసం రూ.3 కోట్లు అందుకున్నారు. ‘స్కంద’లో ‘కల్ట్ మామ’ ఐటెం సాంగ్ కోసం కూడా రూ.3 కోట్లు తీసుకున్నట్లు సమాచారం.
ఇటీవల ‘దాకూ మహారాజ్’లోని ‘డబిడి డబిడి’ పాటపై నెటిజన్లు ట్రోలింగ్ చేశారు. డాన్స్ స్టెప్పులు భలే ఫన్నీగా ఉన్నాయని, ఊహించనివిధంగా రిసీవ్ అయ్యాయని తానే ఒప్పుకున్నారు.
ఇక, సైఫ్ అలీ ఖాన్‌పై జరిగిన దాడి గురించి ఓ ఇంటర్వ్యూలో అడిగినప్పుడు, ఆమె తన సినిమాల సక్సెస్, ఖరీదైన గిఫ్టుల గురించి మాట్లాడడం విమర్శలకు దారి తీసింది. దానిపై వెనుకబడి, తప్పు జరిగిందని క్షమాపణ చెప్పాల్సి వచ్చింది.
ట్రోలింగ్, విమర్శల సంగతి ఎలా ఉన్నా, ఉర్వశి తన కెరీర్‌ను స్ట్రాంగ్‌గా ముందుకు తీసుకెళ్తున్నారు. రాబోయే రోజుల్లో ‘Welcome to the Jungle’, ‘Kasoor 2’ లాంటి సినిమాల్లో నటించనున్నారు.
