నందమూరి బాలకృష్ణ స్వీయ దర్శకత్వంలో గతంలో ఎప్పుడో ప్రారంభించిన ‘నర్తనశాల’ అనివార్య కారణాలతో షూటింగ్ ఆగిపోయిన సంగతి తెలిసిందే. బాలకృష్ణకు ఎంతో ఇష్టమైన చిత్రం నర్తనశాల. ఈ సినిమాను తన సొంత డైరెక్షన్‌లో ప్రారంభించారు. ఆ సినిమాలో ద్రౌపదిగా సౌందర్యగా నటించింది. షూటింగ్ దశలో ఉండగానే నటి సౌందర్య హెలికాప్టర్ ప్రమాదంలో అసువులుబాశారు. ఆ పాత్రలో మరో నటిని ఊహించుకోలేనని బాలకృష్ణ ఆ సినిమాను పక్కన పెట్టేశారు. నర్తనశాల సినిమా కోసం చిత్రీకరించిన సన్నివేశాలను చూడాలని అభిమానులు ఎప్పటి నుంచో కోరుతున్నారు. అభిమానుల కోరిక మేరక నర్తనశాల సినిమాకు సంబంధించిన సన్నివేశాలపై ఓ వీడియోను విడుదల చేయతున్నారు నందమూరి బాలకృష్ణ. 17 నిమిషాల పాటు ఉన్న ఈ వీడియోను అభిమానులకు బాలకృష్ణ దసరా కానుకగా ఇవ్వబోతున్నారు. ఈ నెల 24న ఎన్‌బీకే థియేటర్స్‌లో శ్రేయాస్ ఈటీ ద్వారా విడుదల చేయబోతున్నారు. ఈ చిత్రం ద్వారా వచ్చిన వసూళ్లలో కొంత మొత్తాన్ని స్వచ్ఛంద సంస్థలకు అందజేయనున్నట్లు బాలకృష్ణ తెలిపారు. ఇంకా ఈ సినిమాలో అర్జునుడిగా బాలకృష్ణ, భీమడిగా శ్రీహరి, ధర్మరాజుగా శరత్ బాబు నటించారు.
అభిమానులకు బాలయ్య దసరా గిఫ్ట్
