టాలీవుడ్‌ హీరో నందమూరి బాలకృష్ణ బెస్ట్ డాన్సర్స్‌లో ఒకరు. 60లో కూడా ఇప్పటికీ అదే ఎనర్జీతో దుమ్ము దులిపేస్తుంటాడు. ఆయన తాజాగా నటించిన ‘రూలర్’ సినిమాలో కూడా స్థాయిలో ఊపేశాడు బాలయ్య. కేయస్ రవికుమార్ తెరకెక్కించిన ఈ చిత్రం డిసెంబర్ 20న విడుదల కానుంది. తాజాగా విడుదలైన ప్రోమో వీడియోలో బాలయ్య డాన్సులు చూసి ఫిదా అవుతున్నారు ఫ్యాన్స్. అసలు ఈ ఏజ్‌లో ఆయన డాన్సులేంటో అంటూ ముక్కున వేలేసుకుంటున్నారు. పడతాడు తాడు తాడు అంటూ రప్ఫాడించేస్తున్నాడు బాలయ్య.
ఈ ప్రోమో సాంగ్‌లో అదిరిపోయే స్టెప్పులేసాడు. ఈ సీనియర్ హీరో జోరు చూసి వామ్మో అనుకుంటున్నారు ప్రేక్షకులు. గతంలో కూడా అమ్మకుట్టి అమ్మకుట్టి అంటూ రెచ్చిపోయిన బాలయ్య.. ఇప్పుడు పడతాడు అంటూ చిందులు చించేసాడు. ఈయనతో జానీ మాస్టర్ స్టెప్పులు ఇరగదీసాడు. ఈ పాటలో సోనాల్ చౌహాన్ హీరోయిన్‌గా నటించింది. ఆమె బికినీ సోకులు కూడా సినిమాకు అదనపు ఆకర్షణ. ఇక వేదిక మరో హీరోయిన్. మొత్తానికి బాలయ్య స్పీడ్.. జోరు చూసి అంతా వారెవ్వా అంటున్నారు.
