బాలకృష్ణ 107వ సినిమా రూపొందుతున్న సంగతి తెలిసిందే. రాయలసీమ నేపథ్యంలో తెరకెక్కిస్తున్నఈచిత్రానికి గోపీచంద్ మలినేని దర్శకత్వం వహిస్తున్నారు. మైత్రీ మూవీ మేకర్స్ నిర్మిస్తున్న ఈ సినిమాకు ఇంకా టైటిల్ ఖరారు కాలేదు. ఇందులో బాలకృష్ణ సరసన శ్రుతి హాసన్ హీరోయిన్‌గా చేస్తోంది. బాలకృష్ణకి కరోనా రావడంతో షూటింగ్ వాయిదా పడింది. ప్రస్తుతం ఆయన ఆరోగ్యంగానే ఉన్నట్లు వెల్లడించారు.
వచ్చేవారం నుంచి షూటింగ్ తిరిగి మొదలుపెట్టనున్నట్టు తెలుస్తోంది. ముందుగా ఈ చిత్రాన్ని సంక్రాంతికి విడుదల చేయాలనుకున్నారు. కానీ డిసెంబర్ మొదటి వారంలోనే విడుదలకు సన్నాహాలు చేస్తున్నారట. ఈ సినిమాలో పవర్ ఫుల్ విలన్ పాత్రలో కన్నడ నటుడు దునియా విజయ్ నటిస్తున్నాడు. విలన్ పాత్ర డిఫరెంట్‌గా ఉంటుందని అంటున్నారు. ఈ చిత్రానికి తమన్ సంగీతం అందిస్తున్నాడు. బుర్రా సాయిమాధవ్ మాటలు అందిస్తున్నారు. ఈ చిత్రానికి రెడ్డిగారు పేరు పరిశీలిస్తున్నట్టు వార్తలొస్తున్నాయి.
