Filmfare Telugu 2024:
అతి త్వరలో 69వ ఫిలింఫేర్ అవార్డు ఫంక్షన్ వైభవంగా జరగనుంది. సినీ సెలబ్రిటీలతో పాటు అభిమానులు కూడా దీని కోసం చాలా ఆసక్తిగా ఎదురుచూస్తున్నారు. ఏ సినిమాకి ఏ అవార్డు వస్తుంది అంటూ ఇప్పటినుంచే సోషల్ మీడియాలో దీని గురించిన చర్చ భారీ స్థాయిలో మొదలైపోయింది.
తాజాగా ఫిలింఫేర్ అవార్డులకి సంబంధించిన నామినేషన్స్ బయటకు వచ్చాయి. ప్రతి క్యాటగిరీలోనూ ఈ మధ్యకాలంలో హిట్ అయిన సినిమాలు హంగామా చేస్తున్నాయి. అన్నిటికంటే ముఖ్యంగా హాయ్ నాన్న, బేబీ సినిమాలకి ఎక్కువగా నామినేషన్లు వచ్చాయి.
దాదాపు అన్ని అవార్డుల క్యాటగిరీలలోనూ బేబీ, హాయ్ నాన్న సినిమాలు నామినేట్ అయ్యాయి. దీంతో కచ్చితంగా ఈ రెండు సినిమాలకి ఏమో కొన్ని అవార్డులు అయితే వస్తాయని ముందుగానే చెప్పుకోవచ్చు. అన్నిటికంటే ముఖ్యంగా ఈ రెండు సినిమాలు బెస్ట్ ఫిలిం క్యాటగిరి లో కూడా నామినేట్ అయ్యాయి. ఈ రెండు సినిమాలకు ఏదో ఒకదానికి బెస్ట్ ఫిలిం అవార్డు వచ్చే అవకాశం కూడా ఉంది అని తెలుస్తోంది.
బేబీ సినిమాకి దర్శకత్వం వహించిన సాయి రాజేష్ కూడా బెస్ట్ డైరెక్టర్ అవార్డుకి నామినేట్ అయ్యారు. సినిమాకి సంగీతం అందించిన విజయ్ బల్గాని కూడా బెస్ట్ మ్యూజిక్ డైరెక్టర్ అవార్డుకి నామినేట్ అయ్యారు. సినిమాలోని ఓ రెండు ప్రేమ మేఘాలిలా పాటకి లిరిక్స్ అందించిన అనంత్ శ్రీరామ్, పాట పాడిన శ్రీరామచంద్ర కూడా ఫిలింఫేర్ కి నామినేట్ అయ్యారు.
సినిమాలో హీరో హీరోయిన్లుగా నటించిన ఆనంద్ దేవరకొండ, వైష్ణవి చైతన్య కూడా బెస్ట్ హీరో హీరోయిన్ల కేటగిరీలలో నామినేట్ అయ్యారు. నిజానికి ఈ సినిమా పోస్టర్ విడుదలైన దగ్గర నుంచి ఏదో ఒక వివాదంలో ఇరుక్కుంటూనే ఉంది. ఇక సినిమా విడుదలయ్య కూడా ఈ ఎన్నో వివాదాలు ఈ సినిమాని చుట్టు ముట్టాయి.
అన్ని విధానాలను దాటుకుంటూ సినిమా బ్లాక్ బస్టర్ అయింది. ఇక ఇప్పుడు ఫిలింఫేర్ కి కూడా నామినేట్ అవ్వడం విశేషం. విడుదల కి ముందు అన్ని వివాదాల్లో ఇరుక్కున్న ఈ సినిమా ఇప్పుడు ఫిలింఫేర్ అవార్డు అందుకుంటుందో లేదో వేచి చూడాలి.
