మర్డర్ మిస్టరీ నేపథ్యంలో రూపొందుతున్న చిత్రం ‘అథర్వ’. కార్తీక్ రాజు – సిమ్రాన్ చౌదరి జంటగా నటించిన ఈ సినిమాకు మహేశ్ రెడ్డి డైరెక్టర్. శుభాష్ నూతలపాటి నిర్మించిన ఈ సినిమాకు శ్రీచరణ్ పాకాల సంగీతాన్ని సమకూర్చాడు.
అథర్వ సినిమాకు సంబంధించిన ట్రైలర్‌ను రిలీజ్ చేశారు మేకర్స్. ఒక హీరోయిన్ మర్డర్‌తో ఈ ట్రైలర్ మొదలవుతుంది. ఆమెతో పాటు సిటీలో మరో మూడు మర్డర్‌లు జరుగుతాయి. ఈ హత్యలను ఎవరు చేశారు? ఎందుకు చేశారు? అనే అంశాల చుట్టూ ఈ కథ తిరుగుతుంది.
ఈ మధ్య మర్డర్ మిస్టరీ నేపథ్యంలోనే ఎక్కువ సినిమాలు వస్తున్నాయి. చిన్న సినిమాలే అయినా ఇలాంటి సినిమాలను ప్రేక్షకులు ఆదరిస్తున్నారనే చెప్పాలి. ఇంట్రెస్టింగ్ కంటెంట్‌తో వచ్చే ఈ తరహా సినిమాలకు ఓటీటీలో కూడా మంచి ఆదరణ ఉంటోంది. డిసెంబర్ 1న సినిమాను రిలీజ్ చేయబోతున్నారు.
