Chiranjeevi Blockbusters:
మెగాస్టార్ చిరంజీవి కెరియర్ లో ఎన్నో బ్లాక్ బస్టర్ సినిమాలు ఉన్నాయి. ముఖ్యంగా నిర్మాత అశ్వినీ దత్, చిరు కాంబినేషన్‌లో కూడా చాలా సూపర్ హిట్ సినిమాలు వచ్చాయి. వాటిలో ప్రేక్షకులు ఎప్పటికీ మరచిపోలేని సినిమాలలో జగదేక వీరుడు అతిలోక సుందరి ఒకటి.. ఇంద్ర మరొకటి. ఈమధ్యనే చిరంజీవి పుట్టినరోజు సందర్భంగా ఇంద్ర సినిమాను మళ్ళీ థియేటర్లలో విడుదల చేయగా.. మంచి స్పందన వచ్చిన సంగతి తెలిసిందే.
ఈ నేపథ్యంలో, ప్రముఖ నిర్మాత అశ్వినీ దత్ రెండు ప్రతిష్టాత్మకమైన సినిమాల గురించి ఒక ఆసక్తికరమైన విషయాలు చెప్పారు. ఇంద్ర రీ-రిలీజ్ సందర్భంగా. చిరంజీవి చిత్రంలో కీలక పాత్ర పోషించిన సిబ్బందిని ఆహ్వానించి సత్కరించారు అశ్విని దత్. ఈ సందర్భంగా, సంగీత దర్శకుడు మణిశర్మ, చిరంజీవి తప్పకుండా ఇంద్ర 2 చేస్తే బావుంటుంది అని అన్నారు.
దర్శకుడు బి.గోపాల్, ఇతరులు కూడా అదే చెప్పగా.. నిర్మాత అశ్వినీ దత్ కూడా ఈ విజయం గురించి మాట్లాడారు. “అవును కొంతకాలంగా జగదేక వీరుడు అతిలోక సుందరి సీక్వెల్‌ను ప్లాన్ చేస్తున్నాను. ప్రస్తుతం ఫిల్మ్ ఇండస్ట్రీలో సీక్వెల్‌లు ఎలాగో ట్రెండ్ అవుతున్నాయి కాబట్టి ఇంద్ర సీక్వెల్ కూడా తప్పకుండా చేస్తాను” అని అశ్వినీ దత్ అన్నారు.
ఈ వీడియో ఇప్పుడు వైరల్ గా మారింది. అశ్విని దత్ చేసిన కామెంట్స్ కి మెగా ఫ్యాన్స్ చాలా సంతోషించారు. ఇక సీక్వెల్స్ లో ఎవరు నటిస్తారు.. ఎప్పుడు మొదలవుతాయి.. వంటి విషయాలు ఇంకా తెలియలేదు.
