అశ్విన్‌ బాబు హీరోగా నటిస్తున్న తాజా చిత్రం ‘వచ్చిన వాడు గౌతం’. తాజాగా ఈ సినిమా ప్రకటించేస్తూ.. టైటిల్ లుక్‌ విడుదల చేశాడు. ఈ చిత్రానికి మామిడాల ఎంఆర్ కృష్ణ దర్శకత్వం వహిస్తున్నాడు. స్టెతస్కోప్ పట్టుకున్న చేతికి రక్తపు మరకలు కనిపిస్తున్నాయి.
AB 8 ప్రాజెక్ట్‌గా వస్తున్న ఈ సినిమా మెడికో థ్రిల్లింగ్ స్టోరీగా తెరకెక్కుతున్నట్టు టైటిల్ లుక్‌తో తెలుస్తుంది. షణ్ముఖ పిక్చర్స్‌ బ్యానర్‌పై అలూరి సురేశ్‌ నిర్మిస్తున్నారు. అలూరి హర్షవర్ధన్‌ చౌదరి సమర్పిస్తున్నారు. గౌరా హరి సంగీతం అందిస్తున్న ఈ చిత్రానికి శ్యామ్ కే నాయుడు సినిమాటోగ్రాఫర్‌. ఈ చిత్రానికి ప్రవీణ్‌ పూడి ఎడిటర్‌ కాగా.. రామ్‌-లక్ష్మణ్‌ ఫైట్‌ మాస్టర్స్ అబ్బూరి రవి డైలాగ్స్ అందిస్తున్నారు. హీరోయిన్‌, ఇతర నటీనటుల వివరాలపై త్వరలో క్లారిటీ రానుంది.
కాగా అశ్విన్‌ బాబు హీరోగా వచ్చిన చిత్రం హిడింబ. ఈ సినిమా పర్వలేదు అని పించింది. స్టార్‌ యాంకర్‌ తమ్ముడిగా ఇండస్ట్రీలో ఎంట్రీ ఇచ్చిన అశ్విన్‌ ఇప్పటికే నాలుగైదు సినిమాలు చేశాడు. అయితే అవి అతని అంతగా గుర్తింపు తెచ్చి పెట్టలేదు. దీంతో సరైన హిట్‌ కోసం ఎదురుచుస్తున్నాడు అశ్విన్‌.
