టాలీవుడ్‌ సూపర్ స్టార్ మహేష్ బాబు మేనల్లుడు, ఎంపీ గల్లా జయదేవ్ కుమారుడైన గల్లా అశోక్ హీరోగా ఎంట్రీ ఇస్తున్న సంగతి తెలిసిందే. నిధి అగర్వాల్ హీరోయిన్‌గా నటిస్తుంది. ఈ సినిమా టైటిల్ ఫిక్స్‌ కాలేదు. భలే మంచి రోజు, శమంతకమణి, దేవదాస్ వంటి చిత్రాలతో గుర్తింపు తెచ్చుకున్న యంగ్‌ డైరెక్టర్‌ శ్రీరామ్ ఆదిత్య ఈ సినిమాని తెరకెక్కిస్తున్నాడు. ఈ క్రమంలో నిన్న అశోక్ పుట్టిన రోజు సందర్భంగా ఈ సినిమా మోషన్ పోస్టర్ ని రిలీజ్ చేశారు.
మహేష్ బాబు ట్విట్టర్ వేదికగా ఈ పోస్టర్ ని విడుదల చేసి ఇది సూపర్ కూల్ గా ఉందని.. ఆన్ స్క్రీన్ లో నిన్ను చూడటానికి ఆసక్తిగా ఎదురుచూస్తున్నానని.. రాకింగ్ ఇయర్ ముందుందని పేర్కొన్నారు. ఈ మోషన్ పోస్టర్ లో గల్లా అశోక్ కౌబాయ్ గెటప్ లో కనిపిస్తున్నాడు. ఉగాదికి ఈ సినిమా టైటిల్ లాంచ్ చేస్తామని మేకర్స్ ప్రకటించారు. సూపర్ స్టార్ కృష్ణ – గల్లా అరుణకుమారి సమర్పిస్తున్న ఈ చిత్రాన్ని అమర్ రాజా మీడియా అండ్ ఎంటర్టైన్మెంట్ బ్యానర్ పై పద్మావతి గల్లా నిర్మిస్తున్నారు. జిబ్రాన్ సంగీతం సమకూరుస్తున్నారు. రిచర్డ్ ప్రసాద్ సినిమాటోగ్రఫీ బాధ్యతలు నిర్వర్తిస్తున్నారు. ఈ సినిమాలో జగపతి బాబు, సీనియర్ నరేశ్ ప్రధాన పాత్రలు పోషిస్తున్నారు.
Wishing @AshokGalla_ A very Happy Birthday. Here’s the birthday special motion poster▶️ https://t.co/aX7GtgIbEf
Title launch this UGADI💥#HBDAshokGalla #ProductionNo1@SriramAdittya #PadmavathiGalla @AgerwalNidhhi @JayGalla @ravipatic #SameerReddy @GhibranOfficial @amararajaent pic.twitter.com/j4JqZxzS3K
— Amara Raja Media and Entertainment Pvt Ltd (@amararajaent) April 5, 2021
