ఆర్య హీరోగా తమిళంలో రూపొందిన చిత్రం ‘కెప్టెన్’. ఈ సినిమా తమిళంతో పాటు తెలుగులోను ఈ నెల 8వ తేదీన విడుదల కానుంది. సైన్స్ ఫిక్షన్ టచ్ తో కూడిన యాక్షన్ మూవీ ఇది. ఐశ్వర్య లక్ష్మి ఈ సినిమాలో హీరోయిన్‌గా నటించగా.. సీనియర్ హీరోయిన్ సిమ్రన్ ఒక కీలకమైన పాత్రను పోషించింది. తెలుగులో ఈ సినిమా నితిన్ సొంత బ్యానర్ ద్వారా ప్రేక్షకుల ముందుకు వస్తోంది. ఈ కథ గతంలో హాలీవుడ్ లో వచ్చిన ‘ప్రెడేటర్’ తరహాలో ఉంటుందనే ఒక టాక్ వచ్చింది.
ఈ విషయంపై ఆర్య స్పందిస్తూ .. ‘ఆర్నాల్డ్ చేసిన ఆ సినిమాకీ .. ఈ సినిమాకి ఎలాంటి సంబంధం లేదనీ, పోస్టర్స్ చూసి జనాలు అలా ఊహించుకుని ఉంటారని అన్నాడు. డైరెక్టర్‌ శక్తి టేకింగ్ .. ఇమాన్ అందించిన బ్యాక్ గ్రౌండ్ స్కోర్ .. గ్రాఫిక్స్ ఈ సినిమాకి హైలైట్ గా నిలుస్తాయని అన్నాడు. ఇంతవరకూ ఏ సినిమాకీ పడని కష్టం ఈ సినిమా కోసం తాను పడ్డానని చెప్పాడు. ఈ సినిమా తనకి తప్పకుండా పెద్ద హిట్ ను తెచ్చిపెడుతుందనే నమ్మకం ఉందని ఆర్య అన్నాడు.
