సాయి ప‌ల్ల‌వి, ఫహ‌ద్ ఫాజిల్ హీరోహీరోయిన్లుగా నటించిన మ‌ల‌యాళ చిత్రం ‘అతిరన్‌’ని తెలుగులో ‘అనుకోని అతిథి’ పేరుతో ప్రేక్షకుల ముందుకు రానుంది. మే 28 నుంచి ఈ సినిమా ఓటీటీ ఆహాలో విడుదల కానుంది. తాజాగా ఈ సినిమా కొత్త ట్రైల‌ర్‌ని రిలీజ్‌ చేశారు. ఇందులోని ప్ర‌తి స‌న్నివేశం ఉత్కంఠ పెంచుతోంది. సాయి ప‌ల్ల‌వి నట‌న ప్ర‌తి ఒక్కరినీ క‌ట్టిప‌డేస్తోంది. జిబ్రాన్ అందించిన నేప‌థ్య సంగీతం ప్ర‌ధాన బ‌లంగా నిలుస్తోంది. సైక‌లాజిక‌ల్ థ్రిల్ల‌ర్ నేప‌థ్యంలో వివేక్ తెర‌కెక్కించిన ఈ సినిమాలో ప్ర‌కాశ్ రాజ్‌, అతుల్ కుల‌క‌ర్ణి కీల‌క పాత్ర‌లు పోషించారు. 2019లో థియేట‌ర్ల‌లో విడుద‌లైన ఈ సినిమా విశేష ప్రేక్ష‌కాద‌ర‌ణ పొందింది. ఈ చిత్రంపై విమ‌ర్శ‌కులు సైతం ప్ర‌శంస‌లు కురిపించారు.
