Vishwak Sen VS14:
యంగ్ హీరో విశ్వక్ సేన్ గత కొంతకాలంగా ఫ్లాప్స్ తో సతమతమవుతున్నారు. దాస్ కా ధమ్కీ, గామి సినిమాలతో కూడా కమర్షియల్ సక్సెస్ అందుకోలేక పోయిన విశ్వక్ గ్యాంగ్స్ ఆఫ్ గోదావరి సినిమాతో కూడా మరొక ఫ్లాప్ తన ఖాతాలో వేసుకున్నారు.
తాజాగా విశ్వక్ సేన్ ఇప్పుడు మెకానిక్ రాకీ అనే సినిమాతో బిజీగా ఉన్నారు. రవితేజ ముళ్ళపూడి దర్శకత్వం వహిస్తున్న ఈ సినిమా అక్టోబర్లో విడుదల కి సిద్ధం అవుతుంది. రామ్ తాళ్లూరి నిర్మిస్తున్న ఈ సినిమా మీద తన ఆశలన్నీ పెట్టుకున్నాడు యంగ్ హీరో. మీనాక్షి చౌదరి ఈ సినిమాలో హీరోయిన్ గా కనిపించనుంది.
ఈ సినిమా ఇంకా విడుదల కాలేదు కానీ విశ్వక్ అప్పుడే తన నెక్స్ట్ సినిమాకి గ్రీన్ సిగ్నల్ ఇచ్చేశాడు. తన కెరియర్లో 14వ సినిమాని జాతి రత్నాలు ఫేమ్ డైరెక్టర్ అనుదీప్ కేవీ దర్శకత్వంలో చేస్తున్నాడు విశ్వక్. తాజాగా ఈ సినిమాకి సంబంధించిన అధికారిక ప్రకటన కూడా వెలువడింది. ఈ సినిమా గురించి నాకు కొన్ని ఆసక్తికరమైన విషయాలు ఇప్పుడు సోషల్ మీడియాలో హల్చల్ చేస్తున్నాయి.
ఇప్పటిదాకా మాస్ హీరోగా పేరు తెచ్చుకున్న విశ్వక్.. ఈ సినిమాలో సరికొత్త అవతారంలో కనిపించబోతున్నాడట. జాతి రత్నాలు, ప్రిన్స్ వంటి ఫుల్ అంత కామెడీ సినిమాలు తీయడం అనుదీప్ కి అలవాటు. విశ్వక్ తో కూడా అనుదీప్ అలాంటి ఒక సినిమానే ప్లాన్ చేస్తున్నారట. మొదలైంది దగ్గర నుంచి క్లైమాక్స్ దాకా సినిమా ప్రేక్షకులను బాగా నవ్విస్తుంది అని తెలుస్తోంది.
ఇప్పటిదాకా మాస్ పాత్రలే పోషించిన విశ్వక్ అశోక వనంలో అర్జున కళ్యాణం సినిమాలో కొంచెం ఫన్ యాంగిల్ కూడా చూపించారు. ఇక అనుదీప్ దర్శకత్వంలో చేస్తున్న సినిమాతో.. ఫుల్ లెన్త్ కామెడీ రోల్ లో విశ్వక్ ప్రేక్షకులకు కొత్తగా కనిపించనున్నారు అని తెలుస్తోంది. మాస్ మెప్పించలేకపోయిన మాస్ కా దాస్ కామెడీ సినిమాతో ఎంతవరకు హిట్ అందుకుంటారో వేచి చూడాలి.
