నేచురల్‌ స్టార్‌ నాని హీరోగా నటించిన తాజా చిత్రం ‘అంటే .. సుందరానికీ’. మైత్రీ మూవీ మేకర్స్ వారు నిర్మించిన ఈ సినిమాకి వివేక్ ఆత్రేయ దర్శకత్వం వహించాడు. ‘బ్రోచేవారెవరురా’ సినిమాతో దర్శకుడిగా తన సత్తా చాటుకున్న వివేక్ ఆత్రేయ, పూర్తి వినోదపరమైన అంశాలతో రూపొందించిన సినిమా ఇది. వివేక్ సాగర్ ఈ సినిమాకి సంగీతాన్ని అందించాడు. ఈ సినిమాతో నజ్రియా హీరోయిన్‌గా ఎంట్రీ ఇస్తుంది. ఈ సినిమా నుంచి ఇంతవరకూ వదిలిన అప్ డేట్స్ కు మంచి స్పందన వచ్చింది. తాజాగా ఈ సినిమా ట్రైలర్ రిలీజ్ ఈవెంట్ డేట్ ను ప్రకటిస్తూ, అధికారిక పోస్టర్ ను విడుదల చేశారు.
ఈ నెల 2వ తేదీన వైజాగ్ – ఆంధ్ర యూనివర్సిటీలోని సీఆర్ కాన్వోకేషన్ హాల్ లో ఈ వేడుకను నిర్వహిస్తున్నారు. ఆ రోజున సాయంత్రం 5 గంటల నుంచి ఈ కార్యక్రమం ప్రారంభమమవుతుంది. నరేశ్ .. నదియా .. రోహిణి ముఖ్యమైన పాత్రలను పోషించిన ఈ సినిమాను, జూన్ 10వ తేదీన విడుదల చేయనున్నారు.
Trailer on June 2nd💥♥️ #AnteSundaraniki#AdadeSundara#AhaSundara pic.twitter.com/g62p1GQrON
— Nani (@NameisNani) May 30, 2022
