తెలుగు బిగ్బాస్-4 ఎంత పాపులర్ అవుతుందో అందరికి తెలిసిన సంగతే. నాగార్జున హోస్ట్‌గా వ్యవహరిస్తున్న ఈ షోలో ఇప్పటికి ముగ్గురు సెలెబ్రెటీస్ కుమార్ సాయి, అవినాష్, స్వాతీ దీక్షిత్ లు వైల్డ్ కార్డు ఎంట్రీ ఇచ్చారు. కుమార్ సాయి, స్వాతిలు ఇద్దరు ఎలిమినేట్ అయిపోయారు. ఇప్పుడు తాజాగా ఈ షోలోకి ప్రముఖ సింగర్ మంగ్లీ వైల్డ్‌కార్డ్ ఎంట్రీ ఇవ్వబోతున్నట్లు వార్తలు వినిపిస్తున్నాయి. ఇప్పటికి 7 వారాలు పూర్తి చేసుకున్న బిగ్బాస్ 8వ వారంలోకి అడుగు పెట్టింది. ఈవారంలో 4వ వైల్డ్‌కార్డుగా ఎంట్రీ ఇస్తుందని అంటున్నారు .
తెలంగాణా పాటలతో మంగ్లీ బాగా ఫేమస్ అయ్యింది. ఇక బిగ్ బాస్ ఇంట్లోకి చాలా లేట్ ఎంట్రీ ఇస్తున్న ఈమె తన ఆటతో ప్రేక్షకులను ఎలా ఆకట్టుకుంటుందో చూడాలి మరి. నిజానికి సీజన్ 3 ముందు నుండి ఈమె ‘బిగ్బాస్’కు ఎంట్రీ ఇవ్వబోతుందని ప్రచారం జరిగిన సంగతి తెలిసిందే. ఆమె రాకతో బిగ్బాస్ షోకి మరింత హైప్‌ వస్తుందని నెటిజన్లు అంటున్నారు.
