టాలీవుడ్‌ స్టార్‌ హీరోయిన్‌ సమంత వ‌రుస ఆఫర్‌లతో దూసుకుపోతుంది. ఒక్క తెలుగులోనే కాకుండా ఇత‌ర భాష‌ల‌లోను త‌లుపు త‌డుతున్నాయి. ఏకంగా హాలీవుడ్ చిత్రంలోనే సమంత నటిస్తోంది. అరేంజ్మెంట్స్ ఆఫ్ లవ్ అంటూ రాబోతోన్న ఈ చిత్రంలో సమంత బై సెక్సువల్ తమిళ అమ్మాయిగా కనిపించబోతోందట. ఇక య‌శోద అనే పాన్ ఇండియా చిత్రంలోను సామ్ న‌టిస్తుంది.
ఫ్యామిలీ మ్యాన్ 2 వెబ్ సిరీస్ త‌ర్వాత సమంతకు సౌత్‌తో పాటు నార్త్‌లోను మంచి క్రేజ్ పెరిగింది. రాజీ అనే పాత్రలో సమంత త‌న న‌ట విశ్వ‌రూపం చూపించడంతో ఈ అమ్మ‌డికి ఉత్తమ నటిగా ఫిల్మ్‌ఫేర్ ఓటిటి అవార్డు ద‌క్కింది. ఆమె ముంబై వెళ్లి అవార్డుల వేడుకలో కూడా పాల్గొంది. ప్రస్తుతం సామ్ కు సంబంధించిన పిక్స్ వైరల్ అవుతున్నాయి. పలువురు ప్ర‌ముఖులు సమంతకు శుభాకాంక్ష‌లు తెలియ‌జేస్తున్నారు.
ఫ్యామిలీ మ్యాన్ 2 వెబ్ సిరీస్‌లో సమంత .. మనోజ్‌ బాజ్‌ పాయ్‌కు దీటుగా రాజీ పాత్రలో న‌టించింది. యాక్షన్‌ సన్నివేశాల్లో అదరగొట్టింది. ఇంతకు ముందెప్పుడూ చూడని సరికొత్త సమంతను చూసి అభిమానులే కాదు, విమర్శకులు సైతం ఫిదా అయ్యారు.
