బాలీవుడ్ స్టార్ హీరో రణబీర్ కపూర్ తాజా మూవీ యానిమల్. పాన్ ఇండియన్ మూవీగా తెరకెక్కుతున్న యాక్షన్ లవ్ ఎంటర్టైనర్‌లో అనిల్ కపూర్, బాబీ డియోల్, పృథ్వీరాజ్ వంటి వారు కీలక పాత్రలు చేస్తున్నారు.
యానిమల్ మూవీ నుండి ఇప్పటికే రిలీజ్ అయిన ఫస్ట్ లుక్ టీజర్, రెండు సాంగ్స్ అందరినీ ఆకట్టుకున్నాయి. సినిమాపై కూడా మంచి అంచనాలు ఏర్పడ్డాయి.
యానిమల్ మూవీకి సందీప్ రెడ్డి వంగా డైరెక్టర్. భద్రకాళి పిక్చర్స్, టీసిరీస్ ఫిలిమ్స్, సినీ వన్ స్టూడియోస్ సంస్థలు ప్రతిష్టాత్మకంగా నిర్మిస్తున్నారు.
తాజాగా యానిమల్ మూవీ నుండి మూడో సాంగ్ రిలీజ్ చేస్తున్నట్లు మేకర్స్ ప్రకటించారు. దీనికి సంబంధించి పోస్టర్ రిలీజ్ చేశారు. ‘నాన్న నువ్వు నా ప్రాణం’ అనే పల్లవితో సాగనున్న ఈ సాంగ్ మంగళవారం విడుదల చేయబోతున్నారు.
అన్ని వర్గాల ఆడియన్స్‌ను దృష్టిలో పెట్టుకుని దర్శకుడు సందీప్ రెడ్డి దీనిని అద్భుతంగా తెరకెక్కిస్తున్నారని మేకర్స్ చెప్తున్నారు. డిసెంబర్ 1న హిందీతో పాటు తెలుగు, తమిళం, మలయాళం, కన్నడ భాషల్లో మూవీని రిలీజ్ చేయబోతున్నారు.
