బాలీవుడ్‌ హీరో రణీబీర్‌ నటించిన తాజా చిత్రం ‘యానిమల్’. ఇప్పటి వరకూ ఈ సినిమా నుండి విడుదలైన అప్డేట్స్‌ ఈ మూవీపై ఓ రెంజ్‌లో హైప్‌ని క్రియేట్‌ చేశాయి. భారీ అంచనాల నడుమ ఈరోజు ఈ సినిమా ప్రేక్షకుల ముందుకు వచ్చింది. అయితే ఈ మూవీ రన్‌టైమ్ 3 గంటల 23 నిమిషాలు. అంతసేపు దర్శకుడు ప్రేక్షకులను థియేటర్లలో కూర్చోబెట్టగలడా? అనే సందేహం అందరిలోని కలిగింది. మరి ఈ సినిమా ఎంత వరకూ ప్రేక్షకలను ఆకట్టుకుందో చూద్దాం..
ఈ కథ చాలా సింపుల్‌గా ఉంటుంది. ఒక ఉమ్మడి కుటుంబం నుంచి వచ్చిన వ్యక్తి స్వస్తిక్ స్టీల్స్ అనే కంపెనీని స్థాపిస్తాడు. ఆ కంపెనీని ఆయన కుమారుడు బల్బీర్ సింగ్ (అనిల్ కపూర్) ఒక సామ్రాజ్యంలా విస్తరిస్తాడు. ఆయన ఎప్పుడూ వ్యాపార లావాదేవీలతో బిజీ. ఆయనకి ఒక కొడుకు రణ్‌విజయ్ సింగ్ (రణ్‌బీర్ కపూర్) ఉంటాడు. తండ్రి అంటే ప్రాణం ఇతడికి. తండ్రే కాదు.. కుటుంబం అంటే ఇష్టం. తన కుటుంబంలో ఎవరికి ఏ చిన్న సమస్య వచ్చినా తట్టుకోలేడు. చాలా వైల్డ్‌గా రియాక్ట్ అవుతాడు. అలాంటిది తన తండ్రిపై హత్యాయత్నం జరిగితే ఊరుకుంటాడా? మృగంలా మీద పడిపోయాడు. ఆ మృగం వేట ఎలా ఉంటుందో చెప్పే సినిమా ఇది. ఈ క్రమంలో రణ్‌విజయ్ సింగ్ పాత్రను దర్శకుడు సందీప్ రెడ్డి వంగ ఆవిష్కరించిన తీరు ఓ రెంజ్‌లో ఉంటుంది.
ఇది అందరికీ తెలిసిన కథే. కానీ, సినిమాలో సన్నివేశాలు కొత్తగా అనిపిస్తాయి. మన ఆలోచనలకు మించి ఉంటాయి. సింపుల్‌గా సందీప్ రెడ్డి వంగ స్టైల్‌లో ఉంటాయి. బోల్డ్‌నెస్, ఎక్‌స్ట్రీమ్ వయలెన్స్, ఎమోషన్.. ఈ మూడు కలగలిపిన ఒక కొత్త కథనంతో నడిచే సినిమా ఇది. సినిమాను ప్రారంభించిన విధానమే కొత్తగా ఉంటుంది. వయసు మళ్లిన రణ్‌విజయ్ సింగ్ చెప్పే కోతి కథ కూడా బోల్డుగా ఉంటుంది. ఇక రణ్‌విజయ్ సింగ్, గీతాంజలి మధ్య లవ్ స్టోరీ అయితే రాకెట్‌లా దూసుకెళ్తుంది. సినిమా మొదటి 20 నిమిషాల్లో హీరోయిన్‌తో హీరో ప్రేమ, శృంగారం, పెళ్లి, పిల్లలు.. అన్నీ చూపించాడు దర్శకుడు. రణ్‌బీర్, రష్మిక మధ్య వచ్చే రొమాంటిక్ సీన్స్‌లో కొత్తదనం డైలాగులు. సందీప్ చాలా బోల్డ్‌గా రాశారు.
ఈ లవ్ నుంచి రివేంజ్ వైపు కథ టర్న్ తీసుకున్నాక వచ్చే వయలెన్స్ నెక్ట్స్ లెవెల్. తన తండ్రిని ఎవరు చంపాలనుకున్నారో తెలుసుకున్న రణ్‌విజయ్ సింగ్.. ఆ తర్వాత తీసుకునే నిర్ణయాలు, ఆ హింస ప్రేక్షకుడి మతిపోగొడతాయి. ముఖ్యంగా ప్రీ ఇంటర్వెల్, ఇంటర్వెల్ సీన్స్ అయితే గూస్‌బంప్స్ అంతే. శత్రుమూకలు గుంపులు గుంపులుగా వచ్చి మీద పడుతుంటే.. వాళ్లను హీరో ఎదుర్కొనే తీరు చాలా వైల్డ్‌గా ఉంటుంది. ‘యానిమల్’ అనే టైటిల్‌కు ఇక్కడ సరైన సమాధానం దొరుకుతుంది. ఈ మధ్య కాలంలో యాక్షన్ మూవీస్‌లో వెరైటీ మెషీన్ గన్స్ హైలైట్ అవుతున్నాయి. ఈ సినిమాలో వాడిన మెషీన్ గన్ వాటన్నింటికీ బాబు. ఆ మెషీన్ గన్‌ను ట్రైలర్‌లో కూడా చూపించారు. సినిమాలో ప్రేక్షకులు దాన్ని బాగా ఎక్స్‌పీరియన్స్ చేస్తారు. అసలు ఈ గన్‌ను ఎలా వాడాలి అంటూ ఇంజినీర్ వివరించే సీన్ నవ్వు తెప్పిస్తూనే భయపెడుతుంది. మొత్తంగా ఫస్టdrఫ్ బాగుంది.
అయితే, సెకండాఫ్‌కు వచ్చేసరికి కొన్ని సీన్స్ కాస్త సాగదీతలా అనిపిస్తుంది. ఇంకాస్త టైట్‌గా ట్రిమ్ చేస్తే బాగుండేమో అనిపిస్తుంది. ఇక సినిమాకు అసలు విలన్ అయిన అబ్రార్ హక్ (బాబీ డియోల్) సెకండాఫ్‌లో దర్శనమిస్తాడు. ఆయన పాత్ర చిత్రీకరణ కొత్తగా అనిపిస్తుంది. హీరో ఎంత వయలెంట్‌గా ఉంటాడో.. వీడు కూడా అంతే. ఇద్దరు పెళ్లాలు, ఎనిమిది మంది పిల్లలు ఉండగా మరో పెళ్లి చేసుకోవడానికి సిద్ధమవుతాడు. ఆ పెళ్లి సన్నివేశంలోని కొన్ని ఫ్రేములు ట్రైలర్‌లో చూపించారు. ఈ సన్నివేశంలో ఒక మనిషిని క్రూరంగా చంపేసి.. ఆ రక్తంతోనే కొత్తగా పెళ్లిచేసుకోబోతున్న అమ్మాయితో శృంగారం చేస్తాడు అబ్రార్. దీన్ని బట్టి ఊహించుకోవచ్చు ఆ పాత్ర ఎంత క్రూరంగా ఉంటుందో. మరి అలాంటి వ్యక్తిని రణ్‌విజయ్ ఎలా చంపాడు అనేదే సెకండాఫ్‌లో చూపించారు.
సినిమాలో ప్రతి సన్నివేశం, డైలాగులు కొత్తగానే కాదు ఎక్‌స్ట్రీమ్‌గా అనిపిస్తాయి. అవన్నీ ప్రతి ప్రేక్షకుడు ఎక్స్‌పీరియన్స్ చేస్తాడు. ఇది A సర్టిఫికెట్ సినిమా. ఇప్పటి వరకు చాలా A సర్టిఫికెట్ సినిమాలు వచ్చాయి. కానీ, ఆ సర్టిఫికెట్‌కి ఈ సినిమా న్యాయం చేసింది అనిపిస్తుంది. ఈ సినిమా ఓ 30 రోజుల్లో నెట్‌ఫ్లిక్స్‌లో వచ్చేస్తుంది. అలా ఇంట్లో పిల్లాపాపలతో పాప్‌కార్న్ తింటూ.. అలాంటి సీన్లు ఫార్వార్డ్ చేసుకుంటూ చూసేద్దాం అనుకోకండి. మీరు ఫార్వార్డ్ చేసేంత ఛాన్స్ కూడా ఇవ్వలేదు సందీప్. కాబట్టి పెద్దవాళ్లు థియేటర్‌కు వెళ్లి ఎక్స్‌పీరియన్స్ చేయడమే మంచిది.
సినిమాలో చాలా పాత్రలు కనిపిస్తాయి. కానీ, మనల్ని చుట్టిముట్టేది నాలుగు పాత్రలు మాత్రమే. రణ్‌విజయ్ సింగ్ (రణ్‌బీర్ కపూర్), గీతాంజలి (రష్మికా మందన), బల్బీర్ సింగ్ (అనిల్ కపూర్), అబ్రార్ హక్ (బాబీ డియోల్). ‘పెళ్లి’ పృథ్వీ ఫస్టాఫ్‌లో కనిపిస్తారు. కాకపోతే ఆ పాత్ర మన మనసులో ముద్ర వేయదు. సినిమా నుంచి బయటికి వచ్చిన తర్వాత కూడా మనల్ని వెంటాడే పాత్ర రణ్‌విజయ్ సింగ్.. ది యానిమల్. రణ్‌బీర్ కపూర్ చంపేశారంతే. ఆయన నటన, మేనరిజం, క్రూరత్వం నెక్ట్స్ లెవెల్‌లో ఉన్నాయి. ఆయన మంచి నటుడు అని అందరికీ తెలిసిందే. ఈ సినిమాలో మరో లెవెల్ చూస్తారు. గీతాంజలి పాత్రలో రష్మికా మందన కూడా చాలా బాగా నటించింది. సెకండాఫ్‌లో వచ్చే ఒక సన్నివేశంలో ఆమె నటనలో వైవిధ్యం కనిపిస్తుంది. మూగవాడిగా బాబీ డియోల్ ముఖకవలికలతోనే కట్టిపడేశారు. సినిమా చూస్తున్నంతసేపు ఒక హిందీ చిత్రాన్ని చూసినట్టులేదు. తెలుగు సినిమాలానే ఉంది. డబ్బింగ్ కూడా అంత బాగా కుదిరింది.
ఇక సినిమాకు మరో బలం నేపథ్య సంగీతం. హర్షవర్ధన్ రామేశ్వర్ చాలా కొత్తగా నేపథ్య సంగీతం ఇచ్చారు. ఈ మధ్య కాలంలో మన తెలుగు సినిమాలకు ఒక ప్రముఖ సంగీత దర్శకుడు ఇచ్చిన బీజీఎం విని ప్రేక్షకులు పిచ్చెక్కిపోయారు. అతని పై సోషల్‌ మీడియా వేదికగా టెక్నికల్‌గా ఏ డిపార్ట్‌మెంట్‌కు పేరు పెట్టలేం.. ఒక్క ఎడిటింగ్‌కు తప్ప. అదొక్కటే ఈ సినిమాలో కాస్త మైనస్‌లా కనిపిస్తుంది. కానీ, దీనికి సందీప్ రెడ్డి వంగ ఒప్పుకోకపోవచ్చు. సినిమా క్లైమాక్స్‌లో ఒక ట్విస్ట్ ఇచ్చారు. దీనికి కొనసాగింపు ‘యానిమల్ పార్క్’ రాబోతోంది. తెర మీద పేర్లు వేసేశారు కదా అని సీట్లలోని లేవకండి. ఎందుకంటే, ఆ పేర్లు వచ్చేటప్పుడు ఆఖర్లో వచ్చే ట్విస్టే రెండో పార్ట్‌కు ఆధారం. ఆ క్లైమాక్స్ సీన్ కూడా చాలా క్రూరంగా ఉంది.
