Polimera 3 Update:
“మా ఊరి పోలిమేర” టాలీవుడ్‌లో ఉన్న పాపులర్ థ్రిల్లర్ ఫ్రాంచైజీలలో ఒకటి. మొదటి భాగం విడుదల అప్పుడు కరోనా సమయం కాబట్టి డైరెక్ట్ గా డిస్నీ ప్లస్ హాట్ స్టార్ లో విడుదలై మంచి హిట్ అయింది. దీంతో రెండవ భాగాన్ని బృందం థియేటర్లలో విడుదల చేసింది.
గతేడాది విడుదల అయిన ఈ సినిమా మంచి విజయాన్ని సాధించింది. సీక్వెల్ అయినా కూడా మంచి కలెక్షన్లు కూడా అందుకుంది. తాజాగా డైరెక్టర్ అనిల్ విశ్వనాధ్ ఇప్పుడు సినిమా మూడవ భాగం మీద దృష్టి పెట్టనన్నారు. పొలిమేర వన్ మొదటి రెండు భాగాల్లో నటించిన సత్యం రాజేష్, బాలాదిత్య, కామాక్షి భాస్కర్ల, గెటప్ శ్రీను, పృథ్విరాజ్, రకేందు మౌళి పొలిమేర 3 లో కూడా కనిపించనున్నారు.
అంతేకాకుండా పొలిమేర 3 లో కొత్తగా నటుడు పృథ్వి కూడా ఉండబోతున్నారు అని పొలిమేర 2 లోనే తెలుస్తుంది. పొలిమేర 1 లాగానే పొలిమేర 2 కూడా ఒక మంచి ట్విస్ట్ తో ఎండ్ అయింది. దీంతో నెక్స్ట్ పార్ట్ లో ఏమవుతుంది అని అందరూ ఆసక్తిగా ఎదురుచూస్తున్నారు.
తాజాగా డైరెక్టర్ అనిల్ విశ్వనాథ్ పొలిమేర 3 టీజర్ తో పాటు సినిమాని అధికారికంగా లాంచ్ చేశారు. పోలిమేర 2 ను పంపిణీ చేసిన వంశీ నందిపాటి ఈ సినిమాను నిర్మిస్తున్నారు. మొదటి భాగ నిర్మాత భోగేంద్ర గుప్త సహనిర్మాతగా వ్యవహరిస్తున్నారు. గ్యానీ సంగీతం అందిస్తున్నారు.
ప్రస్తుతం ఈ సినిమాకి సంబంధించిన ప్రీ ప్రొడక్షన్ పనులు జరుగుతున్నాయి. అవి పూర్తయిన వెంటనే సినిమా షూటింగ్ కూడా పట్టాలెక్కుతుంది.
మిగతా రెండు భాగాల్లో లాగానే ఈ సినిమాలో కూడా మంచి ట్విస్టులు ఉంటాయి అని ప్రత్యేకంగా చెప్పాల్సిన అవసరం లేదు. మరి పొలిమేర 3 కూడా రెండు భాగాల్లాగా అన్ని వర్గాల ప్రేక్షకులను అలరించి హిట్ అవుతుందో లేదో చూడాలి. సినిమాకి సంబంధించిన మరిన్ని వివరాలు త్వరలో వెలవడనున్నాయి.
