తెలుగు యాంకర్ విష్ణుప్రియ గత కొన్ని రోజులుగా ఎక్కడా కనిపించడంలేదు. టీవీ షోలు, ఈవెంట్లు, వెబ్ సిరీస్ లు.. వేటిలోనూ ఆమె నటించడంలేదు. దీంతో విష్ణుప్రియకు ఏమైందని ఆమె అభిమానులు, ఫాలోవర్లు ఆందోళన వ్యక్తం చేస్తున్నారు.
ఈ క్రమంలోనే యాంకర్ తాజాగా ఓ రీల్ ను సోషల్ మీడియాలో పోస్ట్ చేసింది. తన ప్రస్తుత పరిస్థితిపై క్లారిటీ ఇచ్చింది. ఆరోగ్యం పాడైంది, కెరీర్ దెబ్బతింది, షెడ్యూల్స్, రిలేషన్స్.. ఇలా అన్నీ ఖరాబ్ అయినా సరే ఇలా చిల్ అవుతున్నా అంటూ వైరల్ అవుతున్న రీల్ ను పోస్ట్ చేసింది.
బుల్లితెరపై విష్ణుప్రియకు గతంలో చాలా క్రేజ్ ఉండేది. సుధీర్‌తో కలిసి చేసిన పోవే పోరా ప్రోగ్రామ్‌తో మంచి గుర్తింపు తెచ్చుకుంది. ఆ తరువాత పలు టీవీ చానెళ్లలోనూ ఆమె కనిపించేది. యూట్యూబ్ లోనూ ఓ చానెల్ రన్ చేస్తోంది. మానస్‌తో కలిసి చేసిన ప్రైవేట్ ఫోక్ ఆల్బమ్స్ యూట్యూబ్‌లో మిలియన్ల వ్యూస్‌తో దూసుకుపోతోన్నాయి.
