బుల్లితెర యాంకర్ ప్రదీప్కు హాట్‌ యాంకర్ శ్రీముఖి అందరి ముందు లవ్ ప్రపోజ్ చేసింది. దీంతో అక్కడే ఉన్న సింగర్ సునీత, ఆలీ, ఎస్వీ కృష్ణా రెడ్డి షాకయ్యారు. తాజాగా విడుదలైన ‘డ్రామా జూనియర్స్ – ద నెక్ట్స్ సూపర్ స్టార్’ ఎపిసోడ్ ప్రోమో వీడియోలో ఓ ఇంట్రెస్టింగ్ సన్నివేశం కనిపించింది. యాంకర్ ప్రదీప్ హోస్ట్ చేస్తున్న ‘డ్రామా జూనియర్స్’ ప్రోగ్రాంలో బుల్లితెర యాంకర్ శ్రీముఖి ఎంట్రీ ఇచ్చి సందడి చేసింది. అందరినీ సర్‌ప్రైజ్ చేస్తూ ముసుగుతో వచ్చిన ఆమె.. ఏకంగా లవ్ ప్రపోజ్ చేసింది. యాంకర్ ప్రదీప్కు నేరుగా ఐ లవ్ యూ చెప్పేసింది. దీంతో ప్రదీప్ తెగ సిగ్గు పడిపోయాడు. ఈ సీన్ చూసి సింగర్ సునీత, ఆలీ, ఎస్వీ కృష్ణా రెడ్డి ఆశ్చర్య పోయారు. దీంతో ఈ వీడియో సోషల్‌ మీడియాలో వైరల్ అవుతోంది.
ఓ వైపు బుల్లితెర హవా నడిపిస్తున్న ప్రదీప్ మాచిరాజు గతంలో పలు సినిమాల్లో సపోర్టింగ్ ప్రాతలు చేశాడు. ఇక ఇటీవల హీరోగా ‘30 రోజుల్లో ప్రేమించడం ఎలా’ అనే సినిమాతో తెలుగు ప్రేక్షకులను ఆకట్టుకున్నాడు. ఈ సినిమాతో ప్రదీప్కు టాలీవుడ్‌లో హీరోగా గ్రాండ్ ఎంట్రీ దక్కిందని చెప్పుకోవచ్చు.
