యాంకర్, నటి అనసూయ తన పుట్టినరోజు సందర్భంగా నేడు కీసర మండలంలోని గర్భిణులకు న్యూట్రిషన్ కిట్స్‌ని పంపిణీ చేశారు. రాచకొండ పోలీస్ కమిషనర్ మహేష్ భగవత్ చేతుల మీదుగా నటి అనసూయ దాదాపు 100 మంది గర్భిణులకు న్యూట్రిషన్ కిట్లను పంపిణీ చేశారు. గర్భిణీ మహిళలకు న్యూట్రిషన్ కిట్ల పంపిణీ చేయటానికి ముందుకు వచ్చిన యాంకర్ అనసూయ భరద్వాజ్‌ను సీపీ మహేష్ భగవత్ అభినందించారు. ఈ సందర్భంగా అనసూయ మాట్లాడుతూ మహిళలు గర్భిణీలుగా ఉన్న సమయంలో ఆదుకోవడం అదృష్టంగా భావిస్తున్నట్లు తెలిపింది. అభిమానులనుంచి అనసూయకు శుభాకాంక్షలు వెల్లువెత్తుతున్నాయి.
