యాంకర్ అనసూయ భరద్వాజ్ హీరో విజయ్‌ సేతుపతితో కలిసి ఓ సినిమాలో నటిస్తున్నట్లు ఇటీవల అనసూయ ఫొటో పోస్ట్ చేసింది. ‘మరో మంచి కథలో జీవిస్తున్నాను. కొత్త ప్రయాణం’ అంటూ ఇన్‌స్టాగ్రామ్ పోస్ట్‌లో అనసూయ పేర్కొంది. తన ఈ కొత్త లుక్‌కు సిల్క్ స్మిత రిఫరెన్స్ అని చెప్పింది. అంతేగాక, లిప్ స్టిక్ పెదాలు, చేతులకి గాజులు, చీరకట్టుతో అద్దంలో తన ముఖం కనపడేట్లు ఆమె ఫొటో కూడా షేర్‌ చేసింది. ఇదే సమయంలో సిల్క్ స్మిత బయోపిక్ రూపొందుతోందని ప్రచారం జరుగుతుండడం, ఇదే సమయంలో అచ్చం ఆమెలా తయారై అనసూయ పోస్టు చేయడంతో ఆ పాత్రలో అనసూయే నటిస్తోందని వార్తలు వచ్చాయి. ఈ రోజు మరో ఫొటో పోస్ట్ చేసింది. ఈ నేపధ్యంలో ‘నేను ఏ బయోపిక్‌లోనూ సిల్క్ స్మిత గారి పాత్రలో నటించడం లేదు’ అని ఆమె స్పష్టం చేసింది.
I am NOT playing #SilkSmita garu in any biopic. Thank you. 🙂
— Anasuya Bharadwaj (@anusuyakhasba) December 9, 2020
‘సిల్క్ స్మిత’ బయోపిక్ లో నటించడం లేదు: అనసూయ
