మెగా పవర్ స్టార్ రామ్ చరణ్‌కి ‘RRR’ మూవీ తరువాత ప్రపంచ వ్యాప్తంగా గుర్తింపు వచ్చింది. ఈ సినిమా పలు అవార్డులు సైతం దక్కించుకుంది. ఈ సినిమాలో పాటలు కూడా చాలా ఆరదణ లభించింది. ఇక ఈ సినిమాలో జూనియర్‌ ఎన్టీఆర్‌, రామ్ చరణ్ చేసిన నాటు నాటు సాంగ్‌ ఇప్పటికీ.. సోషల్‌ మీడియాలో వైరల్‌ అవుతున్న సంగతి తెలిసిందే.
ఈ క్రమంలో రామ్ చరణ్, ప్రముఖ ఆటోమొబైల్ దిగ్గజం, మహేంద్ర గ్రూప్ చైర్మన్ ఆనంద్ మహీంద్ర‌తో క‌లిసి నాటు నాటు స్టెప్పులు వేశారు. దీనికి సంబంధించిన వీడియో సోషల్‌ మీడియాలో వైరల్‌ అవుతుంది.హైద‌రాబాద్ వేదిక‌గా నేడు వరల్డ్‌ ఛాంపియన్‌ షిప్‌ ఫార్ములా ఈ-రేసు జరిగింది. సాగరతీరాన నిర్వహించిన ఈ-రేస్‌ విజయవంతంగా ముగిసింది.
రేసు అనంత‌రం ఆనంద్ మహీంద్ర, రామ్ చరణ్‌తో క‌లిసి నాటు నాటు స్టెప్పులు వేసి అల‌రించారు. ‘హైద‌రాబాద్ ఫార్ములా’ ఈ-రేస్‌కు వెళ్లడం వ‌ల్ల.. బోన‌స్‌గా రామ్ చరణ్ దగ్గ‌ర నాటు నాటు స్టెప్ నేర్చుకున్నాను. థ్యాంక్యూ రామ్ చరణ్.. ఆస్కార్ కోసం గుడ్ ల‌క్ అని మహీంద్ర ట్విట్టర్‌లో రాసుకొచ్చారు.
రామ్ చరణ్ కూడా ఈ వీడియో పై స్పందించారు. నాకంటే మీరే ఫాస్ట్‌గా చేశారు.. నాకెంతో ఆనందం కలిగించింది అన్నారు. ఈ వీడియో చూసిన నెటిజన్లు పలు కామెంట్స్‌ చేస్తున్నారు. ఈ సినిమా పార్టు-2 కోసం ఎదురు చూస్తున్న అని ఒకరు స్పందించగా.. సూపర్‌ అంకుల్‌ అంటూ మరొకరు. జూనియర్‌ ఎన్టీఆర్‌ ప్లేస్‌ ని భర్తీ చేయబోతున్నారా అంటూ మరొకరు కామెంట్‌ చేశారు.
ఈ-రేసింగ్‌ను చూసేందుకు సినీ, క్రీడా ప్రముఖులు తరలివచ్చారు. క్రీడాకారులు సచిన్‌ టెండూల్కర్, శిఖర్‌ ధవన్‌, చాహల్, దీపక్ చాహర్, బ్యాడ్మింటన్ కోచ్‌ పుల్లెల గోపీచంద్, సినీ ప్రముఖులు అక్కినేని నాగార్జున, రామ్‌చరణ్‌, నాగచైతన్య, అఖిల్, నవదీప్‌, సిద్దు జొన్నలగడ్డ, కేజీఎఫ్ హీరో యష్ హాజరయ్యారు.
Well apart from the race, one real bonus at the #HyderabadEPrix was getting lessons from @AlwaysRamCharan on the basic #NaatuNaatu steps. Thank you and good luck at the Oscars, my friend! pic.twitter.com/YUWTcCvCdw
— anand mahindra (@anandmahindra) February 11, 2023
