నందమూరి కల్యాణ్‌రామ్ ఫ్యాన్స్‌ ఎంతో ఆసక్తికరం ఎదురు చూస్తున్న చిత్రం ‘అమిగోస్’. రాజేంద్రరెడ్డి కథనందిస్తూ దర్శకత్వం వహిస్తున్నాడు. మైత్రీ మూవీ మేకర్స్ బ్యానర్‌పై తెరకెక్కుతున్న అమిగోస్ ఫిబ్రవరి 10న థియేటర్లలో గ్రాండ్‌గా విడుదల కానుంది. ఈ నేపథ్యంలో ప్రమోషన్స్ తో ఫుల్ బిజీగా ఉంది.
ఇప్పటికే విడుదలైన టీజర్‌, పాటలు సోషల్‌ మీడియాలో వైరల్‌ అవుతున్నాయి. తాజాగా ట్రైలర్‌ అప్డేట్ అందించారు మేకర్స్. రేపు సాయంత్రం 5:49 నిమిషాలకు ట్రైలర్‌ను లాంఛ్ చేస్తున్నట్టు తెలియజేస్తూ కొత్త పోస్టర్‌ విడుదల చేశారు. కల్యాణ్ రామ్ రెండు చేతుల్లో గన్స్ పట్టుకుని యాక్షన్ మూడ్‌లో స్టన్నింగ్‌గా కనిపిస్తూ క్యూరియాసిటీ పెంచుతున్నాడు.
అమిగోస్‌లో ఆషికా రంగనాథ్‌ హీరోయిన్‌గా నటిస్తుంది. ఈ చిత్రానికి గిబ్రాన్‌ సంగీతం అందిస్తున్నారు. కల్యాణ్ రామ్ మరోవైపు నవీన్‌ మేడారం దర్శకత్వంలో డెవిల్‌ : ది బ్రిటీష్‌ సీక్రెట్‌ ఏజెంట్‌ మూవీ కూడా చేస్తున్నాడు.
