టాలీవుడ్‌ నటుడు సుహాస్ హీరోగా నటిస్తున్న తాజా చిత్రం ‘అంబాజీపేట మ్యారేజి బ్యాండు’. దుశ్యంత్‌ కటికినేని దర్శకత్వం వహించిన ఈ సినిమాలో శివానీ నగరం హీరోయిన్‌గా నటిస్తోంది. మేకర్స్‌ ఇప్పటికే విడుదల చేసిన ఫస్ట్ లుక్ పోస్టర్‌, టీజర్‌ సినిమాపై అంచనాలు అమాంతం పెంచుతున్నాయి.
ఈ చిత్రం నుంచి రిలీజ్‌ చేసిన గుమ్మా సాంగ్‌ కూడా నెట్టింట వైరల్ అవుతోంది. కాగా ఈ సినిమా రిలీజ్‌ అప్‌డేట్‌పై క్లారిటీ ఇచ్చేసింది సుహాస్ టీం. ఈ మూవీని 2024 ఫిబ్రవరి 2న విడుదల చేస్తున్నట్టు తెలియజేస్తూ కొత్త పోస్టర్‌ను షేర్ చేశారు. ఈ లుక్ నెట్టింట వైరల్ అవుతోంది.
హీరోహీరోయిన్ల మధ్య సరదా లవ్‌ ట్రాక్‌తో సాగుతున్న గుమ్మా సాంగ్‌ మ్యూజిక్ లవర్స్‌ ను ఇంప్రెస్ చేస్తుండగా.. మేకింగ్ వీడియో సినిమాపై క్యూరియాసిటీ పెంచుతోంది. సుహాస్ టీజర్‌లో ఓ వైపు హెయిర్ సెలూన్ నడిపిస్తూ.. మరోవైపు మ్యారేజి బ్యాండు టీంలో కలిసి పనిచేస్తూ.. శివానీతో లవ్‌లో పడే యువకుడిగా ఫన్‌, సీరియస్‌గా ఎంటర్‌టైన్‌ చేయనున్నట్టు తెలియజేశాడు డైరెక్టర్‌.
