Amaravati Drone Summit బద్దలు కొట్టిన అయిదు గిన్నీస్ వరల్డ్ రికార్డ్స్ ఏంటో తెలుసా?

Amaravati Drone Summit 2024:

Amaravati Drone Summit అత్యాధునిక సాంకేతికతను ప్రదర్శిస్తూ, చరిత్రలోనే తొలి స్థానంలో నిలిచింది. ఈ కార్యక్రమంలో జరిగిన డ్రోన్ షో అద్భుత విజయాలను సాధించి, ఏకంగా ఐదు గిన్నిస్ వరల్డ్ రికార్డులను సొంతం చేసుకుంది. మొత్తం 5,500 డ్రోన్లు ఆకాశాన్ని అలంకరించాయి, ఇది ఆంధ్రప్రదేశ్‌ను భారతదేశ డ్రోన్ టెక్నాలజీ రంగంలో ప్రత్యేకంగా నిలబెట్టింది.

ఈ అద్భుత డ్రోన్ షో ప్రపంచంలోనే ఐదు విభాగాలలో రికార్డులను బద్దలు కొట్టింది: – లార్జెస్ట్ ఏరియల్ ప్లానెట్ ఫార్మేషన్
– లార్జెస్ట్ ఏరియల్ లాండ్మార్క్ ఫార్మేషన్
– లార్జెస్ట్ ఏరియల్ ప్లేన్ ఫార్మేషన్
– లార్జెస్ట్ ఏరియల్ ఇండియన్ ఫ్లాగ్ ఫార్మేషన్
– లార్జెస్ట్ ఏరియల్ లోగో ఫార్మేషన్

This evening, I joined my people of Amaravati to watch a brilliant drone show that made five Guinness World Records. I congratulate all the organizers and participants for their talented performances and for making this event a grand success. This is the dusk that marked the dawn… pic.twitter.com/ktef3aUgAY

— N Chandrababu Naidu (@ncbn) October 22, 2024

మొత్తం 5,000 డ్రోన్లు రాత్రి ఆకాశంలో ప్రకాశవంతమైన 3D శిల్పాలను సృష్టించాయి. ఈ అద్భుత డ్రోన్ షో ప్రపంచంలోనే రెండవ అతిపెద్దగా నిలిచింది. 8,000 డ్రోన్లతో షెన్‌జెన్ డ్రోన్ షో మాత్రమే ముందు ఉంది. ఈ షోలో విమానం, భారత జెండా, వివిధ చిహ్నాలను బ్లూ ఇంకా మల్టీ కలర్ లైట్లతో రూపొందించారు, ఇది ప్రజలను మంత్ర ముగ్ధులను చేసింది.

ఈ రెండు రోజుల డ్రోన్ సమ్మిట్‌లో ఆంధ్రప్రదేశ్ ప్రభుత్వం భవిష్యత్ డ్రోన్ టెక్నాలజీకి సంబంధించిన ప్రతిష్టాత్మక ప్రణాళికలను ప్రకటించింది. ముఖ్యంగా కర్నూలులో 300 ఎకరాల డ్రోన్ హబ్ స్థాపన చేయబడుతుంది. అలాగే, 35,000 డ్రోన్ పైలెట్లకు ప్రత్యేక శిక్షణ కార్యక్రమాలు నిర్వహించనున్నారు. 15 రోజుల్లో కొత్త డ్రోన్ పాలసీ అమలులోకి రానుంది.

ఆంధ్రప్రదేశ్ ముఖ్యమంత్రి చంద్రబాబు నాయుడు, ఈ సమ్మిట్‌లో మాట్లాడుతూ, “డేటా నూతన సంపద” అని పేర్కొనడంతో పాటు డ్రోన్ టెక్నాలజీ భవిష్యత్తులో కీలక పాత్ర పోషిస్తుందని వివరించారు.

2024 అక్టోబర్ 22-23 తేదీల్లో జరిగిన అమరావతి డ్రోన్ సమ్మిట్ ఎక్స్‌పో భారతదేశంలో డ్రోన్ టెక్నాలజీ రంగానికి మైలురాయి ఈవెంట్‌గా నిలిచింది. ఈ విజయం ద్వారా అమరావతి నగరం భారతదేశంలో డ్రోన్ టెక్నాలజీకి ఒక ప్రముఖ కేంద్రంగా ఎదిగింది.

Read More: RC16 షూటింగ్ ఈ నగరంలో మొదలవనుంది