ఐకాన్‌ స్టార్‌ అల్లు అర్జున్ హీరోగా నటించిన చిత్రం ‘పుష్ప’. ఈ సినిమా ఇటీవల విడుదలై భారీ విజయాన్ని అందుకున్న విషయం తెలిసిందే. ఇక పుష్ప కి మాస్సివ్ హిట్ అందించిన ప్రేక్షకులందరికీ ధన్యవాదాలు తెలియజేస్తూ చిత్తూరులో పుష్ప మాస్సివ్ సక్సెస్ పార్టీని నిర్వహించారు. ఈ వేడుకలో అల్లు అర్జున్ మాట్లాడుతూ ‘ చిత్తూరు భాషను రెండు సంవత్సరాలు నుంచి నేర్చుకొని ఈ సినిమా చేశాను.. ప్రతి ఒక్క చిన్న విషయాన్ని నేర్చుకొని సినిమా లో నటించాను. ఈ సినిమా విడుదలైయ్యాక ఒక్క ఫంక్షన్ అయినా చిత్తూరు లో జరగాలని కోరుకున్నాను. ఈ సక్సెస్ పార్టీ చిత్తూరులో జరగడం చాలా ఆనందంగా ఉంది.
ఏడు కొండల స్వామి మీ అందరి వెనుక ఎలా ఉన్నాడో.. నా వెనుక సుకుమార్ అలా ఉన్నాడు. ఆయనే నా వెంకటేశ్వరస్వామి.. ఇవాళ నాకు ఎంత పేరు వచ్చినా.. ఏదీ వచ్చినా అది సుకుమార్ కే చెందాలి. అంతగా నాకు విజయాన్ని అందించిన సుకుమార్ కి థాంక్స్.. ఇక రష్మికతో పనిచేయడం చాలా ఆనందంగా ఉంది. శ్రీవల్లిగానే కాకుండా రష్మిక లాగ కూడా ఆమె నాకు ఇష్టం. దేవిశ్రీ ప్రసాద్ సాంగ్స్ గురించి ప్రత్యేకంగా చెప్పాల్సిన అవసరం లేదు. అంత మంచి పాటలు ఇచ్చాడు. ఈ సినిమా కోసం పనిచేసిన ప్రతి ఒక్కరికి నా ధన్యవాదాలు. ముఖ్యంగా ఈ సినిమాను ఇంత ఆదరించిన ప్రేక్షకులకు థాంక్స్ అంటూ చెప్పుకొచ్చాడు. ఇక మధ్యలో చిత్తూరు భాషల్లో అల్లు అర్జున్ మాట్లాడడం ఈ ప్రోగ్రాం కి హైలెట్ గా నిలిచింది. చివర్లో పుష్పలోని మాస్ డైలాగ్స్ ని చెప్పి బన్నీ, ఫ్యాన్స్‌ను ఫిదా చేశాడు.
