మంచు విష్ణు త్వరలో ఓ సినిమాతో ప్రేక్షకుల ముందుకు రానున్నాడు. తెలుగు, ఇంగ్లీష్‌ భాషల్లో ఒకే సారి తెరకెక్కుతున్న ఓ సైన్స్‌ ఫిక్షన్‌ క్రైమ్‌ థ్రిల్లర్‌లో నటిస్తున్నాడు ఈ యంగ్ హీరో. ఈ సినిమాకు మోసగాళ్లు అనే ఇంట్రెస్టింగ్ టైటిల్ ను ఫిక్స్ చేశారు. ప్రపంచలోనే బిగ్గెస్ట్ ఐటీ స్కామ్ నేపథ్యంలో యాదార్థ సంఘటనల ఆధారంగా ఈ సినిమాను తెరకెక్కిస్తున్నారు. 24 ఫిలిం ఫ్యాక్టరీ, ఏవీఏ ఎంటర్‌టైన్మెంట్స్‌ బ్యానర్‌లపై మంచు విష్ణు స్వయంగా నిర్మిస్తున్న ఈ సినిమాకు హాలీవుడ్‌ దర్శకుడు జెఫ్రీ గీ చిన్‌ డైరెక్షన్‌లో వస్తుంది. ఈ సినిమాలో కాజల్ కూడా నటిస్తుంది. నవీన్ చంద్ర కీలక పాత్రలు పోషిస్తుండగా.. బాలీవుడ్ వెటరన్ హీరో సునీల్ శెట్టి అదిరిపోయే పాత్రలో నటిస్తున్నారని తెలిసింది. తాజా సమాచారం ప్రకారం ‘మోసగాళ్లు’ చేసిన స్కామ్ ఏ రెంజ్‌లో బయటపెట్టేందుకు అల్లు అర్జున్ ముందు కొచ్చారు. అక్టోబర్ 3న ఈ స్కామ్ వివరాల్ని సోషల్ మీడియా వేదికగా అల్లు అర్జున్ విడుదల చేయబోతున్నారు. ఈ చిత్రానికి సంబంధించిన ‘మోసగాళ్లు’ థీమ్‌ మ్యూజిక్‌ని ఇటీవల విక్టరీ వెంకటేష్ విడుదల చేశారు. ఇప్పుడు బన్నీని బరిలోకి దించాడు మంచు విష్ణు.
‘మోసగాళ్లు’ కోసం అల్లు అర్జున్
