టాలీవుడ్‌ స్టైలీష్‌ స్టార్‌ అల్లు అర్జున్ నటించిన ‘అల వైకుంఠపురంలో’ సినిమా రికార్డులు సృష్టిస్తోంది. ఇప్పటి వరకు ఈసినిమాకు సంబంధించి మూడు సింగిల్స్, టీజర్ రిలీజ్ చేశారు. సాంగ్స్ ఒకరేంజ్ లో ఆకట్టుకున్నాయి. సామజవరగమన సాంగ్ రికార్డులు సృష్టించిన సంగతి తెలిసిందే. సింపుల్ ట్యూన్.. క్యాచీ పదాలు ఉండటంతో ఈ సాంగ్ సూపర్ హిట్ అయ్యింది. సోషల్ మీడియాలో ఆకట్టుకుంటోంది.
ఈ సాంగ్ తరువాత విడుదలైన సెకండ్ సాంగ్ రాములో రాములా సాంగ్.. ఫోక్ టైపు లో ఉండటంతో సాంగ్ కు మంచి క్రేజ్ వచ్చింది. ఈ సాంగ్ యూట్యూబ్ లో దుమ్ము దులిపేసింది. రాములో రాములా సాంగ్ ఏకంగా 100 మిలియన్ వ్యూస్ ను సొంతం చేసుకుంది. ఇది ఓ రికార్డ్ అని చెప్పాలి. త్రివిక్రమ్ దర్శకత్వం వహిస్తున్న ఈ సినిమా వచ్చే ఏడాది జనవరి 12 వ తేదీన విడుదల కాబోతున్నది.
