స్టైలీష్ స్టార్‌ అల్లు అర్జున్ తన కెరియర్ విషయంలో చాలా జాగ్రత్తగా ఉంటాడు. తన సినిమాల కథల విషయంలోను .. పాత్రల విషయంలోను ప్రత్యేకమైన దృష్టి పెడుతుంటాడు. ‘పుష్ప’ మూవీ ఆయనకి పాన్ ఇండియా ఇమేజ్ ను తెచ్చిపెట్టింది. దాంతో ఇప్పుడు ఆయన ఆ సినిమాకి సీక్వెల్ చేసే పనిలో ఉన్నాడు. ఆ తరువాత బన్నీ ఏ డైరెక్టర్‌ తో సినిమాలు చేయనున్నాడనేది ఆసక్తికరంగా మారింది. తాజా ఇంటర్వ్యూలో ఆ విషయాలను గురించి బన్నీ వాసు మాట్లాడాడు. ‘పుష్ప 2’ తరువాత బోయపాటితో బన్నీ సినిమా ఉండనుంది. ఆ తరువాత సినిమా త్రివిక్రమ్ తో ఉంటుంది. మహేశ్ తో సినిమా తరువాత బన్నీతోనే త్రివిక్రమ్ చేసే ఛాన్స్ ఉంది.
ఆ ప్రాజెక్టుకు సంబంధించిన విషయాలను తాను త్రివిక్రమ్ తో మాట్లాడటం కూడా జరిగిపోయిందని బన్నీ వాసు చెప్పుకొచ్చాడు. త్రివిక్రమ్ దర్శకత్వంలో బన్నీ చేసిన ‘జులాయి’ .. ‘సన్నాఫ్ సత్యమూర్తి’ .. ‘అల వైకుంఠపురములో’ సినిమాలు భారీ విజయాలను నమోదు చేశాయి. హ్యాట్రిక్ హిట్ కొట్టిన ఈ కాంబో మళ్లీ కలవబోతుడటంతో.. అభిమానులు ఆనందం వ్యక్తం చేస్తున్నారు.
