ఇండియన్ సినీ ఇండస్ట్రీలో ‘మాస్టర్ జీస, ‘మదర్ ఆఫ్ కొరియోగ్రఫీ’ అని అంతో ప్రేమగా పిలిచే ప్రముఖ కొరియోగ్రాఫర్ సరోజ్ ఖాన్ గుండె పోటుతో ఈ రోజు (శుక్రవారం) క‌న్ను మూసిన సంగతి తెలిసిందే. ఆమె ఆత్మకు శాంతి కలగాలని పలువురు సినీ ప్రముఖులు తమ సంతాపాన్ని ప్రకటిస్తున్నారు. ఈ నేపథ్యంలో సరోజ ఖాన్ మృతికి సంతాపం ప్ర‌క‌టిస్తూ ఆమె కుటుంబ సభ్యులుకు, సన్నిహితులుకు తన ప్రగాఢ సానుభూతి తెలియజేశారు స్టైలిష్ స్టార్ అల్లు అర్జున్, అలానే సరోజ్ ఖాన్ తో కలిసి డాడీ సినిమా కోసం పని చేసిన అనుభవాలను ఆయన గుర్తు చేసుకున్నారు.
తన సినీ కెరీయర్‌కు తొలి కొరియోగ్రాఫర్‌గా సరోజ ఖాన్ వంటి అనుభవశాలితో పని చేయడం నిజంగా అదృష్టంగా భావిస్తున్నట్లుగా బన్నీ ట్వీట్ చేశారు. ఆమె మరణం ఇండియన్ సినిమా ఇండస్ట్రీకి తీరని లోటు గా అల్లు అర్జున్ అన్నారు. మెగాస్టార్ చిరంజీవి గారు హీరో గా నటించిన డాడీ సినిమాకు అప్పటి ఇండియన్ స్టార్ కొరియోగ్రాఫర్ సరోజ్ ఖాన్ కొరియోగ్రాఫర్ గా పనిచేశారు. ఈ సినిమాతోనే అల్లు అర్జున్ సిల్వ‌ర్ స్క్రీన్ ఎంట్రీ ఇవ్వడం జ‌రిగింది. ఈ సినిమాలో డాన్స‌ర్ గా అల్లు అర్జున్ వేసిన స్టైప్స్ మెగా అభిమానుల్ని విశేషంగా ఆకట్టుకున్నాయి. అల్లు అర్జున్ వేసిన ఈ డాన్స్ మూమెంట్స్ ని స్వ‌యంగా సరోజ్ ఖాన్ కంపోజ్ చేయడం విశేషం. చిరు నటించిన చూడాల‌ని ఉంది సినిమాకి కూడా సరోజ్ ఖాన్ కొరియోగ్రాఫర్ గా పని చేశారు.
