స్టైలీష్ స్టార్‌ అల్లు అర్జున్ నటిస్తున్న తాజా చిత్రం ‘పుష్ప’. ఎర్రచందనం స్మగ్లింగ్ నేపథ్యంలో వస్తున్న ఈ సినిమాకి సుకుమార్‌ దర్శకత్వం వహిస్తున్నారు. తాజాగా షూటింగ్ పునఃప్రారంభమైన ఈ చిత్రంలో అల్లు అర్జున్ పుష్పరాజ్ పాత్ర పోషిస్తున్నారు. కరోనా వ్యాప్తి కారణంగా ఈ చిత్రం షూటింగ్ గత కొన్నినెలలుగా నిలిచిపోయింది. తాజాగా తూర్పు గోదావరి జిల్లా మారేడుమిల్లి అడవుల్లో జరుగుతున్న షూటింగ్ కు హీరో అల్లు అర్జున్ హాజరయ్యారు. సెట్స్ పై బన్నీ ఫొటోను చిత్ర నిర్మాణ సంస్థ మైత్రీ మూవీమేకర్స్ సోషల్‌ మీడియాలో షేర్‌ చేసింది. “యోవ్… పుష్పరాజ్ ఒచ్చేసినాడు… ఇక చూస్కోండి!” అంటూ చిత్తూరు జిల్లా యాసలో ట్వీట్ చేసింది. పుష్ప చిత్రంలో బన్నీ చిత్తూరు జిల్లా లారీడ్రైవర్ గా పక్కా మాస్ క్యారెక్టర్ లో కనిపించనున్నారు. రష్మిక మందన హీరోయిన్ నటిస్తున్న ఈ మూవీకి దేవిశ్రీప్రసాద్ సంగీతం అందిస్తున్నారు.
అల్లు అర్జున్ ‘పుష్ప’రాజ్ లుక్‌
