కొమ్మలపాటి శ్రీధర్ సమర్పణలో మారేష్ శివన్ దర్శకుడిగా పరిచయం చేస్తూ సాయి సుధాకర్ నిర్మిస్తున్న చిత్రం ‘అలా నిన్ను చేరి’. విజన్ మూవీ మేకర్స్ బ్యానర్‌పై ఎంతో ప్రతిష్ఠాత్మకంగా రూపొందిస్తున్న ఈ చిత్రంలో దినేష్ తేజ్ .. హెబ్బా పటేల్ .. పాయల్ .. రాధాకృష్ణ హీరో హీరోయిన్లుగా నటిస్తున్నారు. ‘హుషారు’ సినిమాతో సక్సెస్ అందుకున్న హీరో దినేష్ తేజ్ మరోసారి ఈ విలక్షణ కథతో ప్రేక్షకుల ముందుకు రాబోతున్నాడు.
ప్రస్తుతం ఈ సినిమా ఫైనల్ షెడ్యూల్ షూటింగ్ జరుపుకుంటోంది. ఓ వైపు షూటింగ్ చేస్తూనే మరోవైపు ప్రమోషన్స్ కూడా షురూ చేసి న్యూ ఇయర్ కానుకగా ‘అలా నిన్ను చేరి’ టైటిల్ లోగో, మోషన్ పోస్టర్ లను రిలీజ్ చేశారు. ఈ టైటిల్ ‘లోగో’ పోస్టర్‌ని చాలా డిఫరెంట్ గా డిజైన్ చేసి, సినిమా సోల్ తెలిసేలా స్పెషల్ గా అట్రాక్ట్ చేశారు. ఈ సినిమాకు చంద్రబోస్ సాహిత్యాన్ని అందించగా, సుభాష్ ఆనంద్ సంగీతాన్ని సమకూర్చాడు. అతి త్వరలో ఈ సినిమా టీజర్ ను రిలీజ్ చేయనున్నట్లు మేకర్స్ తెలిపారు.
