టాలీవుడ్‌ హీరో రాజ్‌ తరుణ్‌, వర్ష బొల్లమ్మ జంటగా నటిస్తోన్న చిత్రం ‘స్టాండప్‌ రాహుల్‌’. కూర్చుంది చాలు అనేది ఉప శీర్షిక. శాంటో మోహన్‌ వీరంకి దర్శకత్వం వహిస్తున్నారు. నేడు హీరోయిన్‌ వర్ష పుట్టిన రోజు. ఈ సందర్భంగా ఈ సినిమాలోని ‘అలా ఇలా అనాలని’ అనే పాట (లిరికల్‌ వీడియో)ను సోషల్‌ మీడియాలో విడుదల చేశాడు రౌడీ హీరోవిజయ్‌ దేవరకొండ. అనంత శ్రీరామ్‌ సాహిత్యం అందించిన ఈ మెలొడీ అన్ని వర్గాల శ్రోతల్ని అలరిస్తోంది. సత్య యామిని, స్వీకర్‌ అగస్తి గానం వినసొంపుగా ఉంది. ఈ గీతానికి స్వీకర్‌ అగస్తినే స్వరాలు సమకూర్చారు. రాజ్‌ తరుణ్‌- వర్ష జోడీ కనువిందు చేస్తోంది. ఈ ఇద్దరి మధ్య కెమిస్ట్రీ ఆకట్టుకుంటుంది. వెన్నెల కిశోర్‌, మురళీ శర్మ, ఇంద్రజ, దేవీ ప్రసాద్‌ తదితరులు కీలక పాత్రలు పోషిస్తున్నారు. ఈ చిత్రాన్ని డ్రీమ్‌ టౌన్‌ ప్రొడక్షన్స్‌, హైఫై పిక్చర్స్‌ సంస్థలు నిర్మిస్తున్నాయి.
‘స్టాండప్‌ రాహుల్‌’ నుంచి ‘అలా ఇలా అనాలని’ లిరికల్‌ వీడియో
