నందమూరి బాలకృష్ణ హీరోగా బోయపాటి డైరెక్షన్‌లో వస్తున్న చిత్రం‘అఖండ’. ఇప్పటికే విడుదలైన టీజర్, లిరికల్ సాంగ్స్ కు మంచి స్పందన వచ్చింది. ఇక అఘోరగా బాలకృష్ణ గెటప్ అదరహో అన్నట్టుగా ఉంది. ఆ గెటప్ మీద చిత్రీకరించిన ‘భం అఖండ, భం భం అఖండ’ అనే టైటిల్ సాంగ్ పూర్తి లిరికల్ వీడియోను కార్తీక మాసం తొలి సోమవారం సందర్భంగా చిత్ర బృందం విడుదల చేసింది.
ప్రస్తుతం సోషల్ మీడియాలో ఈ సాంగ్ వీడియో వైరల్ అవుతుంది. అనంత శ్రీరామ్ రాసిన ఈ గీతాన్ని తన కుమారులు సిద్ధార్థ్‌, శివమ్ తో కలిసి శంకర్ మహదేవన్ ఆలపించారు. ఎస్. ఎస్. తమన్ సంగీతం అందించారు. చిత్రీకరణ సైతం అదే తరహాలో సాగిందనేది ఈ లిరికల్ వీడియో మధ్యలో మెరుపులా వచ్చిన మేకింగ్ విజువల్స్ చూస్తుంటే అర్థమౌతోంది. ‘సింహా, లెజెండ్’ విజయాలను మరిపించేలా ‘అఖండ’ను తెరకెక్కించడానికి బోయపాటి పడుతున్న శ్రమ ఈ వీడియోలో స్పష్టంగా కనిపిస్తోంది. ప్రగ్యా జైస్వాల్ హీరోయిన్‌గా నటిస్తుంది. శ్రీకాంత్ ఓ కీలకమైన పాత్రను పోషించాడు.
